Popular Bible Verses from 1 Samuwel 19

Share

Saawul, isi baxa Yonaatan kee kay gubal taamita marah inkih Dawud qidam faxam warse. Yonaatan Dawud kaxxam kicinuk yeneeh; tonna-leemik Dawuduk, «Yi abba koo qidam faxak, beera cubbi macabin; aracak teenat qellitay edde idiy.

Ayrok teena YALLI Saawulut ginni ruubeeh; too ginni xagar kaak yimlikeh. Too waqdi buxah addal macaxu gabat luk daffeyak suge. Dawud wokkel *begena digirak suge. Saawul too waqdi macaxu kaat haa'gidih kaa fan qide. Takkay immay Dawud woo macaxuk walel isi raaqiseeh; macaxi kaak tatreh gidaarat kareerak raqqa 'ye. Too waqdi Dawud too bar kudeh gexe.