पण आपाँने बंचाबावाळा परमेसर की करपा अन परेम मनक का वाते परगट करियो ग्यो, यो ईं वाते ने व्यो के, आपाँ धरम का काम कररिया हा, पण आ वाँकी करपाइस ही के, वो आपाँने पुवितर आत्मा का आड़ीऊँ बंचावे, ज्या आपाँने धोन नुवो जनम अन नुवो जीवन देवे हे। परमेसर आपाँने छुड़ाबावाळा ईसू मसी का आड़ीऊँ आपणाँ पे भरपुरीऊँ पुवितर आत्मा देवे हे। वीं करपाऊँईस आपाँ परमेसर का हामे सई ठेरा हा, जणीऊँ कदी ने खतम वेबावाळा जीवन का वारिस वेवा, जिंकी आपाँ आस राका हाँ।