Popular Bible Verses from फिलिपियों 1

Share

अन मने ईं बात को विस्वास हे के, जीं परमेसर थाँकामें हव काम सरू किदो हे, वींइस वींने ईसू मसी का पाच्छा आबा का दन तईं पूरो करी।

अन मूँ आ अरज करूँ हूँ के, थाँ परेम, हाँचा ग्यान अन हाराई तरियाँ की हमज का हाते ओरुँ भी वदता जावो, अटा तईं के, थाँ हवऊँ हव बाताँ ने परक सको ताँके मसी के पाच्छा आबा के दन तईं ऊजळा अन बना दोस का बण्या रेवो।

काँके मारा वाते जीवतो रेणो मसी हे, अन मर जाणो नफो हे।

मूँ जद्याँ भी थाँने आद करूँ हूँ थाँका वाते आपणाँ परमेसर को धन्नेवाद करूँ हूँ

थाँ थाँको जीवन मसी का हव हमच्यार के जोगो जियो, ताँके यद्याँ मूँ आन थाँने देकूँ कन ने देकूँ पण थाँका बारा में मूँ ओ हुण सकूँ के, थाँ एक मन अन एक मकसदऊँ अटल रेन हव हमच्यार का विस्वास का वाते कल्ड़ी मेनत कररिया हो।

मूँ तो याईस मरजी अन आस राकूँ हूँ के, ज्यो काम मूँ कररियो हूँ वींमें मूँ कदीई हरमाऊँ कोयने, पण पुरी हिम्मत का हाते मसी की मेमा मारा डीलऊँ हरदाण वेती ही, खासतोरऊँ अबे भी वेती रेई, पलई मूँ जीवूँ कन मर जऊँ।

काँके थाँने बेस मसी पे विस्वास करबा कोईस ने पण वाँका वाते दुक जेलबा को भी मोको मल्यो हे।