Popular Bible Verses from 1 थिसलूनिकी 4

Share

जणा पाछै आपानै जखा जीवता अर बचेड़ा हां, बाकै सागै बादळा म परबुऊँ हवा म मिलबा ताँई उपर उठा लिओ जासी। अंय्यां आपा सगळा सदाई परबु क सागै रेहस्यां।

क्युं क परबु खुदई ईस्बर नगरीऊँ जोरका हेला क सागै आदेस, परधान दुत की ललकार अर परमेसर की तुरई की उवाज क सागै उतरसी, अर मसी म जखा मरग्या बे पेल्या जी उठसी।

परमेसर आई चावै ह क थे पबितर बणो अर कुकरमऊँ बच्या रेह्‍ओ। थानै हरेकनै थारी खुदकी लूगाई क सागै पबितर अर आदरमान क सागै जीवन जिबो चाए

क्युं क आपा ओ बिस्वास करां हां क ईसु मर्यो अर जिंदो होयो। इ ताँई थानै चाए क थे ओ बी बिस्वास करो क, जद ईसु ओज्यु आसी जणा परमेसर बानै बी ईसु क सागै भेजसी जखा ईसु म बिस्वास करता-करता मरग्या।

थानै ध्यान रेह्‍वै, थे दुसरा क सागै मेळमिलापऊँ रेह्‍वो। थारो ध्यान थारा काम मई रेह्‍वै, अर खुद कमार खाओ बंय्‍यांई करो जंय्यां म्हें थानै आदेस दिआ हां

क्युं क परमेसर आपानै सूगलो नइ पण पबितर जीवन जीबा ताँई बुलायो ह।