Popular Bible Verses from FILIPI 1

Share

Ciamanin ningmah songin naper pha a pantu Pathian in Khrih Jesuh Nia a hleng fangin ciami heh a tawp tian persuak tuh i tiin ling fiang ing.

Pakhat le pakhat ning daihdunhnak tu linghnak dik le thu thiathiamhnak thawn a khangso amam tuhin sawngen ing. Ciatihin ning khangso lekhaw a pha ber heh ril thiam tuh i si. Cen Khrih Nia ah ningrimhnak le mawhhlukhnak hmuahhmuah in ning cianghlim tuh i.

Nun tihnak tu ziang i? Kaimah ca ahcen nun heh Khrih i. Ciamanin thi inglai khai hnempui amam i.

Ning thu i ruat cang fangin i Pathian naihhla ti ing.

Tun laiah a thupuihnak tu Khrih ai Thuthangpha ai daihdan bangin ning nuncan heh cang thil selai, ciatihin ning tawk thil inkhai ituseh, tawk thil lo inkhai ituseh, tumtekhnak pakhat nai in kho ngai in ding ai Thuthangpha hrangah hmunkhat ah thinlung rual niu in raltawng tlang i si ti khiah ling tuh ing.

I daihhnak ber le i umlam ngaihnak tu ṭuanvo i naihnak heh bawn ben hram inglai, cen zaikom inkhai a hlaice in tunteng hrimhrim ahhen, ralphahnak thawn dim in i nung inkhai ituseh, i thi inkhai ituseh, i thinlung i taksa veksen thawn Khrih heh upat hmaihngalhnak pe thil inglai, ti khiah i.

Khrih ning sanghnak lek ah ilo in amah ca ning tuarhnak ahkhai covo zemhnak i si ai mibawngpha i si.