Popular Bible Verses from 1 WAKORINTO 13

Share

Ikunda nyi liwode wuleeli. Ikunda nyi lyekewongoya wandu. Ikunda chi liwode wulang'apfo, manya lyekekushelapfo. Malikutumbashielyo. Ikunda chi litahachye sonulyo, ma lyekepfula kiira kyalyopfo, ma lyechiwa itawishotawishopfo, ma lyekeitalya mawicholyo.

Lyo nyi lishikye shose, nyi lihendelye shose, nyi liwedye shose, nyi likamadye shose.

Lyo lilawa ichihiṟo nyi wukika, kya indi liichihio orio kundu likumbuhananye kilya kii-lohi.

Na wulalu mwidikye na mukundie na mbedie, isho shiṟaṟu nasho shechikaa. Kya indi mkundie nafo fung'anyi kiidi kyasho.

Ikunda lyechisia manyalelyo; shisuku nasho shechihenda idumbuka, na ideda na shiṟuma nalyo lyeshika imanda, na wulaanyi wolanya shindo wo wochidumbuka.

Ma ngadeda shishomo sha wandu na sha wamalaika, na inyi njiwuṟye ikunda njiwewa cha manga fodihina na cha mangalili hededa.

Ma mbewode shisuku njiweichi shindo sha kisenyi shose na wulaanyi wose, mbewode na mwidikye foteshuo mafumwu, na inyi ndawode ikunda njikeri kindopfo.

Ma mbechihawya wakiwa masaa hako hose ngawedambikya na mbihu foko fuhende koṟo, na inyi njiwewuṟye ikunda na isho shinjiwukia-ho kindosho.

Ili njiwei mkoku njilededa cha mkoku ngameṟanguoṟanguo cha mkoku na ihia kimkoku. Ili ngamba msoṟo ngamekuatuo wukoku wose.