Popular Bible Verses from 1 Tesalonika 4

Share

Era eno hiyo omuroromela Yesu amohiwa ohala nnafuna za fwanyeya mesove, nnoza nitukuleliwe zulu mmiramboni vamohi na afwihu ale ira nagumane na Nabwiya zulu-zulu. Mwa eno, pinafuna hiyo nikale vamohi na liye kala no kala.

Tchoira vasogolro Nabwiya mwinnya unotita akumelaga zulu no kuwa undimuwa na nizu na mungelro mulukulu eto aganna kuwa wa palraza ya Mulugu. Vevale ale kagonne gona wa ukwa muwari mwa Kiristu, anoza kababihe venyihiwa mokwani.

Tchoira yofuna ya Mulugu para hiyo atu omuroromela Yesu, ili ira mawendelo ehu katchenihiwe. Muwari motchenihiwa mawendelo, vari venyu kakalevo unaira joraruwa. Kada mutu awendihe maningwaye na makalelo otchena eto ofwanela.

Tchoira hiyo nihikana ibaribari ira Yesu ohokwa eto agakwile, liye ohovenya mokwani. Sawasawa na afwihu anne anagona gona wa ukwa muwari mwa Yesu, Mulugu unoza aavenyihe mokwani ira kakale vamohi na Yesu.

Nnoukokomezani eto ira mukale ofwaseyene mmirimani mwenyu, mukale atu ohinda jili jenyu eto mukale atu ohinda mabasa na manda enyu nnga mwawongele hiyo malambo a mundulri.

Tchoira Mulugu kaniitanne ira niiregena jengo jabure mbwenye uniitanne ira niiregena jengo japama, jotchena.