Popular Bible Verses from Banndi 3

Share

Hoola Joomiraaɗo e ɓernde maa fuu, taa nyoƴƴaa dow paamal maa. Miccita Joomiraaɗo nder ko ngaɗataa fuu, ndeen o dartinan laawi maa.

Taa ndaaru hoore maa wo a jom hakkillo, ammaa hulu Joomiraaɗo, de mboɗɗoɗaa ko boni.

Teddinir Joomiraaɗo jawdi maa, sakkan mo ko ɓuri wooɗude nder tayri maa. Ndeen beembe maa keewan pet, tummbuɗe maa du keewan faa ina ndufa.

Taa jaɓu hinney e hoolaare mboɗɗe. Ɓilu ɗum e daande maa, winndu ɗum dow alluwal ɓernde maa.

Ɓiyam, taa yawu eeltol Joomiraaɗo, taa ɓernu si o felii ma. Sabo mo Joomiraaɗo yiɗi oon felata, hono no baaba jiɗɗo ɓiyum warrata noon.

Ɓiyam, taa yeggitin tindinooje am, joga jamirooje am ley ɓernde maa. Ɗe njuunnan nguurndam maa duuɓi keewɗi, a heɓan jam ley nguurndam maa.

Keɓuɗo hakkillo e paamal, kam barke woodanii. Sabo heɓude hakkillo na ɓuri heɓude cardi, tino maggo na ɓuri kaŋŋe. Hakkillo na ɓuri kaaƴe dime, ko muuyetee fuu waawaa fonndeede e maggo.

Taa sala wallude haajaaɓe walleede, si junngo maa na woodi baawɗe majjum.

Joomiraaɗo tagirii adunaaru e hakkillo, o weƴƴitiri kammu e paamal.