Popular Bible Verses from Maroma 14

Share

Muloŋa wanta waNzambi hiwalemena mukudya nakunwaku, walemena mukuloŋa, nimukuwunda, nimumuzaŋalu wamudi Spiritu Wajila. Muntu wakalakelaŋa Kristu mwenimu, wamutiyishaŋa Nzambi kuwaha, amuhamekaŋa nikudi antu nawa.

Muloŋa hela tukuhanda, tukumuhandila Mwanta; hela tukufwa, tukumufwila Mwanta. Dichi hela tukuhanda hela tukufwa, tudi ambala aMwanta.

Dichi tushenu muchima hakwila yuma yaletaŋa kuwunda, niyuma yakudikolesha nachu wumu namukwawu.

Bayi tusompeshaŋa akwetu nawa cheŋuku. Chakala tubabalenu tubuli kushila mana kwetu chuma chakudimbukila hela chakuhukena munjila yindi.

Muloŋa nasoneki nawu, Yehova nahoshi nindi, Chinahandaŋichi, manuŋu ejima amba kanfukamina, madimi ejima amba keteja kudi Nzambi. Dichi dinu, wejima wetu twamba kalumbulula kudi Nzambi mutwelaŋa hamuntu hamuntu.

Tambulenu muntu wabula Ŋovu mukukuhwelela, ilaŋa bayi chakutadika ninduku.

Eyi wukusompesha ŋamba yambala, yeyinyi? Hela nemani hela nadimbuki, hinsaŋu yaMwanta windi omweni. Chalala akamwimika, muloŋa Mwanta natweshi kumwimika.