Popular Bible Verses from Fuɗɗoode 35

Share

O wi'i mo kade: Min woni Alla mo baawɗe fu. Rimu ɗuuɗaa. Gam lenyi ɗuuɗɗi, e laamiiɓe ɗuuɓɓe ƴiwan diga e maa. Mi hokkete leydi ni kokkunoomi Iburaahiima e Isiyaaku. Non bo ɓaawo maa, mi hokkan ni sukaaɓe lenyol maa.

Gam en ummoto jahen Beteli. Mi mahanan ton Alla balluɗo am wakkati goodumi toora hiisirde. O wondii e am der jahaaŋal am fu.

Alla wi'i mo: Inne maa woni Yaakuubu, amma a noddataake kade Yaakuubu, sey noddeɗaa Isira'iila. Non non o noddiraa Isira'iila.

Yaakuubu wi'i himɓe wuro mum e wonduɓe e mum fu: Boppee tooruuje mon ɗe gooduɗon fu, laaɓinon ko'e mon, loonnon bo kolte mon.

Alla wi'i Yaakuubu: Umma yahu, jooɗa faa Beteli. Mahanaa am ton hiisirde faa nokkuure to suppitani maa mi wakkati doggataa mawniraawo maa Isuwa.

No o rimi o heennyi, o ɓattii maayugo, o hokki suka on inne Beni Oni. Ko inne nen filliti nun, suka mo keɓirmi e bone. Amma, baabiiko hokki mo inne Benyamin Inne nen filliti nun, suka mo juunŋo am nyaamo.