Popular Bible Verses from MATIU 6

Share

à tó kpata kũ à bò a kĩnaa kũ a yãzɛdeo doárɛ arɛ gĩa, ani á pɔ́ pìnɔ karaárɛ pínki.

Abire yãi àsun zia damu kɛro, zaakũ zia a zĩda yã dɔ̃. Gɔrɔ sĩnda pínki yã'ũmmanaa mɔ̀a.

Abire yãi matɛn oárɛ, àsun á wɛ̃̀ndi damu kɛ à pi bɔ́n óni ble ke bɔ́n óni miro. Àsun mɛ̀ damu kɛ à pi bɔ́n óni daro. Wɛ̃̀ndi de pɔ́blelaroo? Mɛ̀ de pɔ́kasalaroo?

Mɔkɔ̃n, tó ntɛn adua kɛ, ǹ gɛ̃ n kpɛ́ gũn, ǹ gbà tata, ǹ wɛ́ kɛ n De kũ à kú gwe asiri gũnwa, n De kũ à asiriyã dɔ̃ ni sí kũnwo.

Àgɔ̃ adua kɛ lán dí bà: Ó De kũ à kú musu, ǹ tó ògɔ̃ dɔ̃ kũ n tɔ́ adona, Ǹ tó kpata kũ à bò n kĩnaa bo gupuraa, ò n pɔyenyĩna kɛ andunia gũn, lákũ òdi kɛ zaa musu nà.

Ǹ ó gba ú kũ óni ble gbãra.

Ǹ ó taarinɔ kɛ̃wá, lákũ odì kɛ̃ gbɛ̃ kũ ò taari kɛ̀wɛrɛnɔnɛ nà.

Ǹsun tó ò fu yɔ̃ogwanaaaro, ǹ ó sí a vãnia.

Tó a gbɛ̃nɔ taari kɛ̃̀ńnɛ, á De kũ à kú musu ni á pɔ́ kɛ̃árɛ se.

À gwa bãnɔa. Òdi pɔ́ tɔ̃ro, òdi pɔ́ kɛ̃ro, òdi pɔ́ ká dɔ̃̀ɔ gũnlo, ama á De kũ à kú musu dì pɔ́ble kpáḿma. Á bɛ̀ɛrɛ vĩ manamana de bãnɔlaroo?

Àsun aruzɛkɛ kakaraái andunia gũn laro, gu kũ kɔ̀kɔnɔ dì pɔ́ yakan, pɔ́nɔ dì dã̀a kpán akũsɔ̃ kpãninɔ dì gu fɔ̃ ò pɔ́nɔ sɛ́tɛn. À á aruzɛkɛ kakara ludambɛ, gu kũ kɔ̀kɔnɔ dì pɔ́ yakanlo, pɔ́nɔ dì dã̀a kpánlo akũsɔ̃ kpãninɔ dì gu fɔ̃ ò pɔ́nɔ sɛ́tɛnlo. Zaakũ gu kũ n aruzɛkɛ kún, gwen n laakarii dìgɔ̃ kún se.

Gbɛ̃ke dì fɔ̃ à zɔ̀ ble dikiri mɛ̀n planɛro, zaakũ ani zã gbɛ̃ don àgɔ̃ ye gbɛ̃ doi, kesɔ̃ ani na gbɛ̃ doa à gbɛ̃ do gya bo. Áni fɔ̃ àgɔ̃ zɔ̀ ble Ludanɛ kũ ɔgɔo lɛɛlɛro.

Sɛ̃̀la kũ à kun gbãra ani tɛ́ kũ zia, lákũ Luda dì pɔ́ nai lɛ nà, ákɔ̃nɔ ludanaanikĩanadenɔ, oni á pɔ́ o dɔ yá?

Mɔkɔ̃n, tó ntɛn gba da takasidenɔnɛ, ǹsun tó n ɔzɛ dɔ̃ lán n ɔpla tɛn kɛ nàro. Ǹ tó n gbadana kɛ asiriyã ũ, n De kũ à asiriyã dɔ̃ ni a fĩna bonnɛ.

À laakari kɛ á donyĩyãkɛna gupuraai. Àsun kɛ bisãsiri wɛ́ yãiro. Tó átɛn kɛ lɛ, áni láada le á De kũ à kú musu kĩnaaro.

Tó á lɛ́yĩna sɔ̃, àsun ãn sisi lán manafikidenɔ bàro. Òdi ń ãn yãkatɛ de gbɛ̃nɔ gɔ̃ dɔ̃ kũ ò lɛ́yĩna yãi. Yãpuran matɛn oárɛ, ò ń láada lèn gwe kɔ̀! Mɔkɔ̃n, tó ń lɛ́yĩna, ǹ ãn pípi, ǹ nísi mámamma, de gbɛ̃nɔ sún dɔ̃ ń lɛ́yĩnaro, sé n De kũ à kú asiri gũn baasiro. N De kũ à asiriyã dɔ̃ ni a fĩna bonnɛ.