Popular Bible Verses from MATIU 5

Share

Òdi fitila na ò gbaka kútɛaro. Òdi a di a dibɔɔ musumɛ, de à gu pu gbɛ̃ kũ ò kú ɔnnnɔnɛ. À gu pu gbɛ̃nɔnɛ lɛ, de ò á yãmanakɛnanɔ e ò á De kũ à kú musu tɔ́ kpá.

Ákɔ̃nɔ mɛ́ á gupura ũ andunianɛ. Wɛ̃tɛ kũ ò kàtɛ sĩ̀sĩi musu dì fɔ̃ àgɔ̃ utɛnaro.

Arubarikadenɔmɛ nɛ̀sɛpuradenɔ ũ, zaakũ mɔ́kɔ̃nɔ mɛ́ oni wɛ́ si Ludalɛ.

Arubarikadenɔmɛ yãzɛde nidɛrinɔ ũ, zaakũ mɔ́kɔ̃nɔ mɛ́ oni kã.

Makũ sɔ̃, matɛn oárɛ, àgɔ̃ ye á ibɛrɛnɔi, à adua kɛ gbɛ̃ kũ òdi wɛ́ tãáwanɔnɛ

Arubarikadenɔmɛ gbɛ̃ kũ ò ń kĩana dɔ̃nɔ ũ, zaakũ kpata kũ à bò Luda kĩnaa de ń pɔ́ ũ.

Arubarikadenɔmɛ ibɛrɛmidɛrinɔ ũ, zaakũ oni ń sísi Luda nɛ́nɔ.

Arubarikadenɔmɛ pɔsiradenɔ ũ, zaakũ Luda ni ń laakari kpátɛńnɛ.

Arubarikadenɔmɛ gbɛ̃ kũ òdi wari dɔḿma ń yãmanakɛna yãinɔ ũ, zaakũ kpata kũ à bò Luda kĩnaa de ń pɔ́ ũ.

Arubarikadenɔmɛ wɛ̃ndadɔ̃nnɛrinɔ ũ, zaakũ Luda ni ń wɛ̃nda dɔ̃.

Arubarikadenɔmɛ á ũ, tó ò á sɔ̃sɔ̃, tó ò wari dɔ̀áwa, tó ò yã vãni sĩnda pínki dìáwa ma yãi. À pɔnna kɛ à yáa dɔ, zaakũ á láada zɔ̃kɔ̃ ludambɛ. Lɛn ò wari dɔ̀ annabi kũ ò kú á ãnɔa lɛ.

Arubarikadenɔmɛ zĩdabusarinɔ ũ, zaakũ mɔ́kɔ̃nɔ mɛ́ onigɔ̃ andunia vĩ.

Ákɔ̃nɔ mɛ́ á wisi ũ andunianɛ. Tó wisi i nna tà, deran oni kɛ nà à gɔ̃ wisi ũ dɔɔ? À àre ke vĩ doro, séde ò kɔ́tɛ gbɛ̃nɔ táa oa.

Abire yãi àgɔ̃ kun papana, lán á De kũ à kú musu kun papana nà.

Àgɔ̃ pi ee ke oi. Yã kũ à de abirekũla bò yã vãni gũmmɛ.

A mà ò pì, ò wɛ́ fĩna bo kũ wɛ́o, saka kũ sakaao. Makũ sɔ̃, matɛn oárɛ, àsun fĩna bo gbɛ̃ kũ à vãni kɛ̀árɛaro. Tó gbɛ̃ n sãn kɛ̀ n ɔpla gasuua, ǹ a do dɔnɛ dɔ.

Tó n ɔpla wɛ́ dì tó ǹ fu, ǹ a bo ǹ zukũna. N kurana n mɛ̀gu kei mana de ò n mɛ̀gu sĩnda pínki zu tɛ́nla. Tó n ɔpla dì tó ǹ fu, ǹ zɔ̃ ǹ zukũna. N kurana n mɛ̀gu kei mana de n mɛ̀gu sĩnda pínki tana tɛ́nla.