Popular Bible Verses from 1. Timoteo 3

Share

Tchatchepah, an maro patsepen hi i baro tchatchepen: O Debleskro tchawo was i mensho. Hoi job kras, hi tchatcho. Ko sikras men o Debleskro Ducho. I bolepangre dikan ap leste. An i tsele themma rakran le lestar. Ap i tseli phub patsan le ap leste. An o bolepen las les o Dewel pash peste.

I phureder hunte djiwell jaake, te hatsell kek i doosh ap leste. Les well gar budeder har jek romni. Job rakrell kek dinelo koowa, un dell pes jak, hoi job rakrell un krell. Job mukell pes gar an djungelo koowa te tserdell. Job lell i wawaren latches an peskro kheer dren. Job sikrell mishto o Debleskro drom.

Job hi i latcho rai pral peskro kheer. Leskre tchawe shunenn ap leste.

I mursh, kai budrella i patslenge an o Debleskro kheer, les well gar budeder har jek romni. Job hunte well i latcho dad peskre tchawenge, un i latcho rai pral peskro kheer. Kol budepangre, kai pengri budi mishto krenna, kolla wenn an-diklo pash i patslende, un pash o Debleste. Un len hi kek daar, te rakrenn le pral pengro patsepen ap o Jesus Kristeste.