Popular Bible Verses from Ezekiɛl 18

Share

Afin n kunndɛ-man kɛ sran ng'ɔ o wulɛ'n, ɔ wu. Amun `kaci amun nzuɛn'n nan amun tran nguan nun.» Anannganman Nyanmiɛn'n yɛ ɔ kan sɔ-ɔ.

Sran ng'ɔ yo sa tɛ'n, i yɛ ɔ ´wu-ɔ. Ba'm be su tannin-man bé si'm be sa tɛ'n i ti kalɛ. Yɛ siɛ'm be su tua-man be mma'm bé sa tɛ'n i ti kalɛ. Sran ng'ɔ yo sa kpa'n, be ´tuɛ i sa kpa sɔ'n i ti kalɛ be mɛn i. Sran ng'ɔ yo sa tɛ'n, be ´tuɛ i sa tɛ'n i ti kalɛ be mɛn i.»

Amun `gua sa tɛtɛ bɔ be kacili amun nzuɛn'n be blo mmua mmua lɔ. Man amun anwlɛn'n kaci uflɛ, man amun akunndan'n ɔ yo uflɛ. ?Izraɛlfuɛ mun, nguɛ ti yɛ amun klo kɛ amun ´wu-ɔ ?

?Amun bu i kɛ n klo kɛ klunwifuɛ'm be wu? Nga n klo'n yɛlɛ kɛ klunwifuɛ'm be kaci be nzuɛn'n nan be nyan nguan.» Anannganman Nyanmiɛn'n yɛ ɔ kan sɔ-ɔ.

«Sɛ klunwifuɛ ɔ yaci i sa tɛtɛ'm be yolɛ'n, sɛ ɔ fa min mmla'm be su, ɔ su wu-man. Ɔ ´nyan nguan.

Ɔ fa mín nuan su ndɛ'n nin min mmla nga n kleli'n kwlaa su kpa. I sɔ sran liɛ'n ti sran kpa, ɔ ´nyan nguan.» Anannganman Nyanmiɛn'n yɛ ɔ kan sɔ-ɔ .