Popular Bible Verses from २ कोरिन्थी 5

Share

उहओर्से यदि कौनो मनैया ख्रीष्‍टम बा कलसे, ऊ लौव सृष्‍टि हो। पुरान जीवन बितगैल्, आब लौव जीवन सुरु होस्‍याकल।

येशू ख्रीष्‍टम पाप नैरलहन, उहफे परमेश्‍वर ख्रीष्‍टम हमन धर्मी ठहराईक लाग उहाँह हमार पापक बलि बनैल।

हम्र आँखिले द्‍याखल बातक आधारम नाहीँ, तर विश्‍वासक आधारम चल्‍ठी।

यी सब करुइया परमेश्‍वर जो हुइट। उहाँ हमन ख्रीष्‍टद्वारा फेदोस्र आपनसँग मिलापम अन्‍ल, ओ और मनैन उहाँकसँग मेलमिलाप करैना जिम्‍मा हमन देरख्‍ल। परमेश्‍वर अपन्‍हे ख्रीष्‍टम रहक संसारक सब मनैन आपनसँग मिलापम अन्‍ना ओ हुँकन्‍हक पापक हिसाब नैलेना काम करटलह। आब यी मिलाप करैना कामक जिम्‍मा परमेश्‍वर हमन देरख्‍ल।

उहओर्से हम्र ख्रीष्‍टक राजदूत हुइटी, परमेश्‍वर हमारम रहक टुँहनसे बिन्‍ती कर्टिबाट। ओ टुह्र परमेश्‍वरसे मिलाप करो कैक हम्र फे ख्रीष्‍टक तर्फसे टुँहनसे बिन्‍ती करटी।

ख्रीष्‍ट सबजन्‍हक लाग प्राण देल। आब बचुइयन आपन लाग नाहीँ, तर उहाँक लाग जिएपर्ठा, जे हुँकन्‍हक लाग प्राण देल, ओ फेदोस्र जियागैल। आबठेसे हम्र कौनोजहन बाहिरी रूपले मूल्‍याङ्‍कन नैकर्टी। हुइना त हम्र एक समय ख्रीष्‍टह संसारिक हिसाबले हेरी। आब हम्र उहाँह असिक नैहेर्टी।

ख्रीष्‍टक प्रेमले हमन बाध्‍य करैठा, काकरकि हमन निश्‍चित बा, कि सबजन्‍हक लाग ख्रीष्‍ट मुलकओर्से हम्र सबजन मुरली।