Popular Bible Verses from Rom‑dãmbã 1

Share

Bala, koe-noogã mooneg yãnd ka tar maam ye. Sɩdã, a yaa Wẽnnaam pãng sẽn fãagd ned ning fãa sẽn tẽeda: Pipi yaa Zʋɩf-rãmba, tɩ sẽn ka-b Zʋɩf-rãmbã pʋgda.

Bala, Wẽnnaam tɩrlmã pukda be ne tẽebo, la tẽeb yĩnga, wa b sẽn gʋlsã: Nin-tɩrg na n vɩɩ ne tẽebo.

Sɩd me, sẽn sɩng ne dũni naanego, nebã nee Wẽnnaam pãng kãsengã sẽn ka sɛtã nin sẽn ka tõe n yã wã, la b Wẽnnaamlemã sõama, b sã n tags n ges bũmb nins bãmb sẽn maanã.

Dẽ, bãmb ka tõe n yãnd bũmb n dõd n yi ye, bala, bãmb sẽn bãng Wẽnnaamã, b ka waoog-b wa b yaa Wẽnnaam ye, la b ka pʋʋs-b bark ye. La bãmb tagsgã sẽn ka yõodã kẽesa bãmb moogo, la bãmb sũyã sẽn be zɩɩlem pʋgẽ wã kẽe lik bida pʋgẽ.

Bãmb teka Wẽnnaam yellã sẽn yaa sɩdã ne zĩrẽ. Bãmb sẽn pʋʋsd bõn-naands n sakd-bã, n yaool n bas Naandã sẽn tog n paam waoogr wakat sẽn kõn sa wã, Ãmina.

Sɩdã, Wẽnnaam sũ-puugrã yita yĩngr n sigd ninsaalbã zutu, bãmb wẽn-kɩɩsgã la b tʋʋm-wẽnsã sẽn gɩdgd sɩdã t'a ka tõe n maan a tʋʋmdã yĩnga.

Dẽ n kɩt tɩ Wẽnnaam bas-b tɩ b maan yĩng ratem sẽn paoogd neda. Bala, bãmb pagbã basa gãag ning sẽn zems Wẽnnaam sẽn seglã n maand sẽn ka segd ye. Raopã me basa pagbã gãag sẽn zems Wẽnnaam sẽn seglã, tɩ ratem taab yĩngã rɩt bãmb wa bugum. B maanda yãnde, rao ne raoa, la b yĩnsã paamda sɩbgr sẽn zemsd ne b menengã sẽn wat ne bũmb ningã. Bãmb sẽn ka tags tɩ yaa sõama tɩ bãng Wẽnnaamã, Wẽnnaam basame tɩ b tũud b tagsdã sẽn yaa wẽnsã, tɩ b maand bũmb sẽn ka zems ye.

Bãmb wukda b mens n yet tɩ b yaa yam dãmbã, la b lebga yalemba. Bãmb teka Wẽnnaam sẽn ka kiidã ziir ne bõn-naands sẽn mamsd ninsaal sẽn kiidã, la liuuli, la nao a naase, la bõn-vuudsi.