Popular Bible Verses from Jaki 1

Share

N kpiiba, yin yaa nua ke yaa biigima buoli kuli n cua yi kani tie pamanli bonla, kelima yi bani ke yi dandanli biigima baa cuani li juunli.

Yi siiga niloba yaa luo mi yanfuoma, wan mia U Tienu yua n puuni bi niba kuli leni ti bulicindi, kaa fu leni ba, o baa pa o ma.

N kpibuadiba, yin bandi line: Li pundi nilo kuli n cengi tontoni, ki da maadi tonma, ki da bieni o pali tontoni mo.

Ama li tie tiladi ke li juunli n yaa tuuni li tuonli ki dudi cain, ke yin tua yaaba n ŋani ki dagidi cain, ki da luo liba kuli.

Yin da cengi U Tienu maama bebe, ki boandi yi yula ke mi cengima yeni dagidi, kali yin yaa tiendi man yedi yaala mo.

Li pamanli ye leni yua n fidi ki juuni mi biigima nni. Bi yaa biigi o ki pagi o yaa yogunu, o baa baa li miali badifogiliga, o Diedo n niani ke o baa pa yaaba n bua o kuli yaaga.

Li semoanli leni yaa paabu n ŋani kuli ñani tanpoli po, mi yenma Baa kani, wani yua n ki lebidi, ke lebidima jinjingu mo ki ye o niinni.

Yua n cengi U Tienu maama ki naa tieni man yedi yaala, tie nani yua n nua o nunga n tie maama ki madiidiga nni, ki ñani ki gedi, ki sundi tontoni wan tie maama.

Yaa jaanma n ŋani cain ki naa pia joagindi ti Baa U Tienu nintuali, tie ki yaa todi a kpienbila leni a kpepuona bi fala nni, ki go kubi o yuli leni ŋanduna joagindi.

Ban tulini o nilo yaa yogunu, wan da yedi: «U Tienu n tulini nni.» Bi kan tulini U Tienu wan tieni yaala n bia, wani o ba mo kan tulini niloba kuli. Bi tulini nilo kuli wani o ba bonbuaka-biadila n dia ki cuo o yaa yogunu.

Ti kpiiba siiga yua n tie luodo, n yaa mangidi o pali boncianla leni U Tienu n jigini o maama.