Popular Bible Verses from EFESA YAABA 6

Share

Kelima tii koani leni yaa yibalinba n pia ti gbanandi leni mi soama ka. Ama ti koani leni li bali danba len i paaciami danba leni yaaba n die li * biigili ŋandunli, ki tie yaa cicibiadimu n ye mi fawaama nni.

Mi Fuoma n teni yin yaa jaandi yogunu kuli, ki yaa miadi U Tienu yogunu kuli leni i jaandi leni bu miabu buoli kuli. Yaa miadi mani U Tienu o * nigagidiŋanba kuli po ki da yoaligi ki da cedi.

Yin bobi mani U Tienu n puni yi yaa toatiadi kuli ke yin fidi ki yaa se bonŋanla, ki yie ku * tuotabigu yudaano nunfanbiadibu kuli po.

Lani yaa po yin taa mani U Tienu n puni yi yaa toatiadi kuli, ke yin fidi ki sedi ki yie yaala n bia yaa ti cua yaa daali ki koani ki paadi, ki go yaa se ke li pa mo.

Yin go taa li * dandanli nani ku gbankoandigu yeni ki yaa muubi yogunu kuli, ke yin fidi ki gbindi o * Biado n toa yi yaa mupiemi kuli. Yin yaa ciibi mani mi * tindima kusanli leni mi Fuoma jugisiega yaaga n tie U Tienu Maama.

Lanwani yin bogini mani ki yaa se ke li pa. Yin yaa ñaagi i moamoani nani ku gbanñagidigu yeni. Yin yaa laa yaa kuliadili n tie mi * teginma. Yin pili li yankuali nani ti cacaadi yeni mi yanduanma Laabaaliŋamo wangima po.

N majuodikaama n tie na: Yin yaa baadi mani yi fidu o Diedo kani leni o paaciamu yu n cie li bonla kuli nni.

Ŋan jigini a baa leni a naa, lan tie yaa balimakpiama n yegi leni u ñoanianu. Laa ñoanianu mo n tie: «A baa ye leni li pamanli, a miali dana mo n foagidi ki tinga nni.»

Yinba a bila, yin tuo mani ki yaa ŋua yi danba maama nani o Diedo n bua maama, kelima lani n tiegi.