Popular Bible Verses from Malasɩ 3

Share

Nyɩ wa n a nyɩ bʋ̃-tɛrɩ ziir pie sob ʋ za, a bʋ̃-bini dĩó, kɛ̀ bʋ̃-dɩrɩ mɩ́ be a ɩ̃ yir-kpɛ̃ɛ pʋɔ kʋralɛ. A mãa, a Sore kpɛnʋ-za-sob, mãa n'ʋ yere: nyɩ ɩ m kaa a ka lowr ɛ́ nyɛ̃, mãa bɛ wa yuo a salom kʋ̃ɔnɩ kʋ̀ nyɩ a, mãa bɛ wa paalɩ nyɩ nɩ maalʋ tɩ gʋ̀r bɛr a.

Ɩ̃ na tanɩ nɩ a sãsowe bɛr, a ta lɛ 'wɔb a nyɩ bʋ̃-kʋ́ɔrɩ ɛ, a ta ɩ a nyɩ divɛ̃ tɩɩr a bɛ wɔnɛ ɩ. Mãa n'ʋ yere à à ŋá kʋ̀rɛ nyɩ, mãa, a Sore kpɛnʋ-za-sob. A nɩ-bʋʋr-yoru za na yere na kɛ́ zu-nʋ̃ɔ̀ dem n'ɩ nyɩ, bʋ̃ʋ n'ʋ vɛ̃, a nyɔ-vʋʋrʋ na nʋmɛ nɩ za a nyɩ tẽw pʋɔ, mãa n'ʋ yere, a mãa Sore kpɛnʋ-za-sob.»

Al pùorí, a Sore kpɛnʋ-za-sob tɩ yel: «A bibir ʋl ɩ̃ na cɔbrɛ a vɩɛfʋ daar a, bɛ na ɩ n a ɩ̃ nɩ-sori, a ɩ̃ nɩ-bʋʋrɛ ɩ̃ na so a. Ɩ̃ na zɔ n bɛ nɩbaalʋ, mɛ̃ sãà na zɔrɛ a ʋ bie, na tone a ʋ tome a, nɩbaalʋ a. Lɛ n'a nyɩ na lɛb nyɛ̃ a nɩ-mɩn nɩ a nɩ-faar na bɛ ɩ been a, a bɛlɩ dem na tone a Naaŋmɩn tome nɩ a bɛlɩ dem na bɛ tone a ʋ tome a.

«À ŋá n'a a Sore, a kpɛnʋ-za-sob, sɔwr nyɩ: “Ɩ̃ tone nɩ a ɩ̃ nɩ-tona k'ʋʋ tɩ puo a sɔ́r bɛr mɛ̃. Bɛ nãà wa bere na, a Sore nyɩ na bɔbr a, kpɛ a ʋ yir-kpɛ̃ɛ pʋɔ. A wõ-taa nɩ-tona nyɩ na gùre a, ʋlɛ n'ɩ ŋan waar.”