Popular Bible Verses from Ɛfɛɛsɩ Sɛbɛ 1

Share

Ɩ̃ mɩ sʋɔrɔ ʋ na á ʋ yuo a nyɩ tɩɛrʋ̃ a nyɩ na tʋɔ bɔ̃w a yele ala ɩnɛ a Naaŋmɩn na bʋɔl nyɩ, nyɩ nɔɔ mɩ pɔwrɔ a ʋ jie a nɩdaar kãw, nɩ a na-yel-ɓɔmɔ ala ʋ na gbɛɛrɩ̃ bin a ʋ nɩbɛ ɩnɛ, nɩ a mɩnɛ a ʋ kpɛ̃w na nyɩrɩ̃ bɛrmɛ gãw a sɩmɩ na sɔw de ʋ jie, a kpɛ̃w ʋlɔ ʋ dãa de tʋ̃ nɩ a ʋ fãgã tʋmɔ a lɛdaar ʋ na ir a *Kirisi a kũu pʋɔ, ɩ̃ maal ʋ ʋ jɛ a ʋ dʋrɩ̃ loor be a saa juu. Ɩ̃ a mɩnɛ ʋ na jɛ a be, ʋlɔ ɩ̃ gãw a tʋɔfʋ a jaa, nɩ a fãgãsɩ a jaa, nɩ a kpɛn a jaa, nɩ a nɩ-bɛrɛ ba jaa, nɩ a nɩrɛ lɛ na yi a yuor na wa beree a ƴɛ̃ƴɛrɩ̃ daar nɩ a daar ʋlɔ na waara pʋɔ.

A lɛdaar ʋ na ma dãa maal a tẽw sɛr wa, ʋ vɛl sɩ na ir ƴɔ̃w a Kirisi pʋɔ a mɩnɛ a sɩ na tʋɔ ɩ a cɛcɛ, kɔ̃ tɛrɛ sãwfʋ jie a ʋ nii-sɔw wa. A mɩnɛ ʋ na nʋ sɩ, ʋ dãa na de nĩe ow sɩ kpee a sɩ na lɩɛb ɩ a ʋ bibiir a Jeeju-Kirisi ɩnɛ, a-na-ɩ lɛ ʋ nyɛ a nʋmɔ ʋ ɩ̃ mɩ ɩ a ʋ pʋ-tɩɛrʋ̃.

A ʋ jie sɩ pɔw a faafʋ a ʋ jɩ̃ɩ na cir ɩnɛ, ɩ̃ ʋ mɩ de na a sɩ bɩɛfʋ bar kʋ sɩ. Nyɩ́ nyɛ a mɩnɛ ʋ na nyɩrɩ̃ sũo sɩ

A Naaŋmɩn ʋlɔ na ɩ a sɩ Nɩ-kpɛ̃ɛ *Jeeju-Kirisi Sãa ɩ̃ sɔ pɛwfʋ! A-na-ɩ a mɩnɛ sɩ na be a *Kirisi jie sɩ pɔw na a maal-vɩlaa bʋrɔ bʋrɔ a jaa na ɩ a sɩɛ ben a Naaŋmɩn sɛ̃ a saa juu.