Popular Bible Verses from I. Ilkorintioi 15

Share

Onaa, lalashera lainei lanyor, entuunoto, eming'unung'un, entopon naleng' aaitobir oshi enkyas Olaitoriani, iyololo, aajo mera enyamali inyi en e pesho tiatua Olaitoriani.

Ashe Engai naisho yook engilunoto tʼOlaitoriani lang' Yesus Kristos!

Eminjo eimalimalie ndai. Eitarruo ilderrat torrok rregieita sidan.

Kake ara tʼeng'adunoto Engai olara, neitu eaku eng'adunoto Engai pesho tiatua nanu, amu atopona anyamalu nalang' ninje pookin, me nanu baiki, kake eng'adunoto Engai naarubare nanu.

Etoijoiyoki enkea tiatua engilunoto. Kaji etii, enkea, engilunoto ino? Kaji etii, enkea, olkikarret lino? Kake era olkikarret lʼenkea enkitarruoto, nera engolon enkitarruoto nkitanapat.

Eng'orai, aliki ndai emikio: Mikipuo pookin aairura, kake epuoi aaitaal yook pookin; neaku neijia nabokata anaa tʼenkirriabata engong'u, teni eoshi emowuo enkiting'oto. Amu eru emowuo neinyototo lootuata eata empuan nemerruoio, neitaali yook.

Amu oltung'ani obo oaua enkea, naa oltung'ani obo oaua empiunoto oo lootuata. Amu anaa petuata ninje pookin te Adam, neijia epuoi aaitopiu pookin te Kristos.

Amu meata kata nemeishop ena narruoio enemerruoio, ore ena nae, neishop ina nemee.

Meata kata nemeitorisho ninye metabana nepik ilmang'ati lenyena pookin abori oo nkejek enyena. Ore olmang'atinda obaiye opuoi aaidip, naa enkea.