Popular Bible Verses from I. Ilkorintioi 12

Share

Eishori oltung'ani pookin enkitaduaroto Olmumua, peaku endupoto oo pookin.

Kake irara osesen le Kristos o rubat enyena anaa perisiore oltung'ani pookin.

Naa teni emoi erubata nabo, neme nkulie pookin te nebo; ore teni eitaai kitok erubata nabo, neng'idakino nkulie pookin.

Amu eishori oltung'ani obo tʼOlmumua ororei lʼeng'eno, o olekai ororei lʼeyolounoto, tʼele Mumua ake, o olekai enkirukoto tiatua ele Mumua, o olekai nkishoorot enkishiunoto tiatua Olmumua obo, o olekai enkidimata oo ngoloni, o olekai eyolounoto e akenya, o olekai enkitooroto oo lmumuan, o olekai nkutukie kumok, o olekai enkitaalata oo nkutukie.

Neitobir kuna pookin Olmumua obo orisio neoriki oltung'ani pookin anaa peyeu ninye.

pemeaku eoroto tiatua osesen, kake peshilaro pookin aten.

Etii rishat oo nkishoorot, kake etii Olmumua obo; netii rishat oo nkisyayareitin, kake etii Olaitoriani obo; netii rishat oo nkitobirat, kake etii Engai nabo naitobir pookin tiatua pookin.

Netipika Engai iltung'anak tiatua esirit; ore lʼenkiterata lairriwak, ore liare layolounok, ore li okuni laiteng'enak, ore tekurum looitobir nkidimat, ore tekurum nkishoorot naaishiunyeki loomoi, o laretok, o looitorisho, o nkutukie naaoro.

Ore si osesen, nemera erubata nabo, kake rubat kumok.

Kake enare kuna rubat osesen naalio eshalu naleng', neyeuni naleng'

Ten aa osesen olulung'a engong'u, kodee ening'oto? Ten aa osesen ening'oto katukul, ti aji eing'uaya? Kake etipika Engai rubat pookin tiatua osesen, anaa petayeuo. Teni era rubat pookin erubata nabo, kodee osesen?