Popular Bible Verses from MÁKHI 10

Share

Átɛsalé Lephan Mi bhwá nbrɛn lɔ le bha salé okhwɛn mɛ́n hɛ́nmɛn nɛn, lókhɛ́n ńma salé ankhwɛn néphan hɛ́nmɛn nɛn, ló anmó mɛ́n mɛpɔ́bhá sɔ́n pɛn swa néphan búdúbúdú.

Jezwi gbɛnɛn wu wo, ló ánkranmán nkɔn sa: – Áyí lókɔn, ákhɔ́nman se néphanmiɔn, lókhɛ́n Yankan yé áleli yíɛkɛ, átɛsalé Yankan li lephan ágɛ tɛ́ yí khúnbrɛn.

Ló Jezwi krɛnmɛn sa – Tɛmɛ ɛlo, hɛ mímíbhú tɛ hɛ phɔ jan. Lóyámɛ́n, anwú yí, ló ńgɛ Jezwi thá ásitó hrómɛn ɔ́nmɔn ánno.

Lóhɛ́nthé lephan, ɛlé bhuri áyí Yankan bhɔha sibrɛ.

Jezwi nɛn nkɛ ɔɔ, nkɛ bhwe khwɛ hɛ́nmɛnlé, ló ánkranmán nkɛ sa: – Ákha yíbɛn ɛka tɛ: tɛmɛ ɛlo, ɛkhwɛ́n hɛ yí khúnbrɛn ɛpɛ phɛ́lí, ɛkhwɛ́n lójɛtɛn pɔ́ gbremán, lótɛ ɛ́bha gɛ ajayí búdúbúdú tré átho, lómánji ɛbhá, ló ɛgɛ mɛn thá.

Jezwi bho bhwetɔ́, ló ánmi nkɛ sa: – Ébí nɔn ɛ́nɛn salé mɛn tɛ́ sé hɛ ɛ? Ló mɛphuwo tɔ sa: – Yíliéwo, tɛmɛ ɛtɛ́ mɛn cu wú yí npɔ.

Khɛ́n hɔ́n thethé, áleli nɛn. Ló ábha tɛ́ nɔn ali salé hɔ́n thethé, lephan khɛ́n énɛn alí lephan khó, áyɔn se salé ankhwɛn hɔ́n hɛ́nmɛn nɛn

Mímí mɛɛ́n kranmán hɔ́n: lephan khɛ́n abha lé dɛn do Yankan Bhringbi khúbhɛ́ sa yípɔ bhri ɔn, lephan lókɔn anman nɛ́n ká lóne.

Thénthé, néphan búdúbúdú khɛ́n athwasi, wo bhá sa phúji, lóyábhɛ brɛ, néphan búdúbúdú khɛ́n thénthé aphuji ɔn, wo bhá sa thwási.

Áyí khúnbrɛn ka abhɔhɛ́n, khɛ́n Yankan tɛ yí khúnbrɛn phu ɔn, “ńtɛ sɛ le bhie ɔ́nmɔn.” Ló abha hrɔ́ mɛn nɔn ali salé: “Lóhɛ́nthé nɔn sɛ bha chán mɛ́n the le mɛ́n man ɔ́nmɔn hwan lo gɛ mɛ́n bhia ɔ́nmɔn bhá sibrɛ, ló wo mɔ́nmɔn wo bhá tɛ́sa lephan brɛ a.” Wo bha lé cu lí néphan mɔn npɔhɔ́n, lókhɛ́n wo bhá lí lephan brɛ.