Popular Bible Verses from Galatas 5

Share

Jaxa Yespiritu ja Dyosi, wax ya jyajta jb'ajtik sok ja jmojtik jumasa, spetsanil k'ak'u gusto wax ya ajyukotik, laman wax ya ajyukotik b'a jpetsaniltik. Ja jas wax ek'i. Jun k'ujol wax ya'wotik wax ya'a slekil jk'ujoltik, wax ya jyajtatik ja tuk jumasa, wax ya'a sniwanil jk'ujoltik sok ja Dyosi ch'in wax ya ka' jb'ajtik, wax ya jna'tik jastal mi lek oj k'u'ltik ja jas jex k'ank'uni kujtiki. Sok ja iti, mey tuk b'a jas mi lek ja jastik wa'n yaljeli.

Ja'yuj wax kala wabyex: K'u'anik ja Yespiritu ja Dyosi, b'a jach' mi oj ok' a k'ujolex oj ja k'u'lukex ja b'a mi sb'ejuki.

Yuj k'a ye'n ja Espiritu stukb'esta ja jmodotiki, sb'ej oj k'u'utik spetsanil ja jas wax yala.

Jaxa ma ti'xa aytik sok ja Kajwaltik Jesusi, spetsanil ja jastal jela ilk'ujulanitik sok ja jastal jex k'ank'uni oj k'u'ltik b'a mi sb'ejuki, ti ch'ay sna'jel sb'a Cruz ja Kajwaltiki.

Spetsanil ja swinikil ja lu'um iti, wa sna'a jastal wa sk'u'lan ja ma' jex k'ank'uni oj sk'u'luk ja b'a mi sb'ejuki: mix ajyiye toj sok ja sche'ume'i, wax yi'a sb'aje sok tuktukil ixuk, mi jun sb'ej ja jastal aye'i, jel kistal ja jas wa sk'u'lane'i, cho jach'ni ja jas wax ek' sk'ujole'i. Wa stoyowe k'u'lub'al dyos jumasa, wa sneb'awe brujo'il, wa staklaye ja smoje jumasa. Wa smak'tala'an sb'aje sok ja tuk jumasa, jel jas wax ek' sk'ujole'i, mi jas lek wax yilawe, tajkelxta aye. Ja' schole ja ilk'ujoli sok ja ab'al k'umali, man wax ch'ak spil tala'uk sb'aje. Je sgusto'e ja ilk'ujoli; wax yakb'iye, jaxa b'a sk'in wa sk'u'lane'i, mi jun sb'ej ja, jel jitsan ja jas mi lek wa sk'u'lane'i. Maklayik oj kala wabyex otro bwelta, ja jastal cho kal ta awabyexi, spetsanil ja ma wa sk'u'lan ja jastal jawi. Mi oj ochuk ja b'a kulan ek' ja Dyosi.

Jmoj alijel jumasa, ja we'nlexi, Dyos stsa'awex b'a librexa oj ajyanik, kechan mok a wal'ex yuj ja libre ayexi, ja ti oj ocha k'u'lukex ja b'a mi sb'ejuki. Sb'ej sok syajal a k'ujolex kolta a b'ajik sok ja tuk jumasa.

Yuj ja jas mi sb'ejuk jex k'ank'uni oj ja k'u'lukexi, mi sk'ana ja Yespiritu ja Dyosi, jach'ni ja Espiritu, mi lek wax yila ja jas mi lek jex k'ank'uni oj ja k'ulukexi. Ja'yuj ja we'nlexi, mi sb'ejuk oj ja k'u'lukex ja jas jex k'ank'uni oj ja k'u'lukexi.

Ja b'a spetsanil ja jas wax yala ja Dyosi, wa sta'a sb'aj june ita: —Ja'yuj b'a kada jujune ja we'nlexi, jel t'ilan oj syajta ja smoj jastal wa syajta sb'aj ja ye'ni—.

Mi sb'ejuk ja niwan oj ka' jb'ajtiki, mok ka'tik tajkuk lom ja jmojtiki, mok kil k'ujoluktik ja tuk jumasa, b'a kaltik ke mas lekotik ja ke'ntik yuj ja ye'nle'i.

—Ja Kajwaltik Jesusi, ya'ta elkotik libre. Ja smeranili ye'nani ya' elkotik libre'a. Ja'yuj mok a wa'wex kan ja jastal libre ayexi, mokxa kumxanik b'a oj cho a k'u'ukex otro bwelta ja mandar it a'ji yi ja Moises yuj ja Dyosi.