Popular Bible Verses from 1 Corintios 9

Share

Ja ma' wa schapa sb'aj b'a jun tajneli, wax ch'ak ya'kan spetsanil ja jastik jumasa b'a mi lekuki. —Jach' wa sk'u'lane b'a oj sk'uluke ganar ja smajtane it mix alb'i'i, ja'uk toma ja ke'ntiki, ja jmajtantik oj a'juki'tiki, sb'aj mini oj ch'akuka. Ja'yuj ja ke'n wax tsatsal k'ujolan b'a, b'a oj ta' ja jmajtan jawi, mi lomuk ja wa'non yi' jel wokoli yujni ay sb'eja.

Sok wanix talnan lek jb'aj ja, wax le'a jastal oj k'ajtes ja jkwerpo. Yuj k'a wax kala yabye ja yab'al ja Dyos ja tuk jumasa, mix k'ana ke'n ay jas oj aljuk yab' ja b'a stik'anali.

Ja we'nlexi, waxa na'awex lek b'a jun ajnel mi spetsaniluk ja ma' wax och b'a ajnel oj sk'ul ganar, kechan june ja ma oj sk'u'l ganari. Jach' mero jastal jaw ja ke'ntik ja ma' ti' nochanotik sok ja Kajwaltik Jesusi, lajan sok wa'notik ajnel, ja'yuj la ajyukotik toj b'a oj a'juk ki'tik ja jmajtantiki.

Jaxa yajni ti ayon soke ja ma'tik wantox k'e sk'u'uke t'an ja Kajwaltiki, jach' wax k'u'lan jb'aj ja ke'n jastal ja ye'nle b'a oj b'ob' jkoltaye'i. Wax laja b'a soke b'a jach' ay ma' oj sta' ja skoltajeli.