Popular Bible Verses from 1 Corintios 8

Share

Jaxa ke'ntiki, wanix na'atik kechani june ja Dyosi ja'ni ja Tatali. Ye'n ch'ak sk'u'l spetsanil ja kosa jumasa, jaxa ke'ntiki, yuj ja ye'n, ja'yuj ay jsak'aniltik cho kechani june ja Kajwaltiki, ja'ni ja Kajwaltik Jesusi. Ja Dyosi, ch'ak sk'u'l spetsanil ja'ni yuj ja Jesusi, sok sts'akatal ja ye'n ja'yuj sak'anotik ja ke'ntiki.

Jaxa yajni wax k'ana oj kal a wabyex ja jas a job'owex ki yuj ja wa'elal it wax ts'ikxi yi ja k'u'lub'al dyos jumasa. Jpetsaniltikon ja ke'ntikoni wax na'atikon t'usan yaman ja iti. A'nima jach' jastal jawi, jel t'ilan oj jak jk'ujoltik yuj ja jas wax na'atiki, ja'yuj jel niwan wax ka'a jb'ajtik, jaxa syajal jk'ujoltiki, wax ya sta' lek yip ja jsak'aniltik b'a sk'u'ajel ja Dyosi. Ja'yuj ja ma wax yala jel wa sna'a, ja smeranili, mini jas sna'a.

Ja'yuj ja ke'n mini sb'aj oj kab' ja wa'el jumasa jaw b'a kechan oj kaj sle' smul jun jmoj aljeltik yuj ja oj kab'i.

A'nima ay jastal oj b'ob' kab'tik spetsanil ja jastik jumasa, jel t'ilan oj talna jb'ajtik b'a mi oj ka'tik k'e jun ab'al k'umal sok ja moj aljeltik jumasa ja ma' mito tsats ayuke sok ja Kajwaltiki.