Popular Bible Verses from PARARUDAN 15

Share

Ida Sang Hyang Widi Wasa masabda asapuniki: “Yen kita ajak makejang saja saking sujati nyak nelebang pidabdab Ulune, tur ngamanggehang sapatitah Ulune, Ulun tusing bakal ngukum kita aji panyakit-panyakit ane suba tibakang Ulun marep teken bangsa Mesire. Ulun ene Widi ane nyegerang kita.”

Ida Sang Hyang Widi Wasa pasayuban titiange sane kukuh sane sampun ngrahayuang titiang. Ida Widin titiange, Widin leluur titiange, tur titiang muji kagungan Idane.

Duh Ratu Sang Hyang Widi Wasa sane suci, saking pantaran paradewane, sapasirake sane mrasidayang nyamenin Palungguh IRatu? Sapasirake sane mrasidayang ngardi praciri miwah pakaryan sane ageng sakadi Palungguh IRatu?

Santukan Palungguh IRatu satia ring janji, Palungguh IRatu nuntun kaula druene, tur malantaran antuk kakuatan sane ageng Palungguh IRatu nuntun ipun ka tanah druene sane suci.

Bangsa Israel raris rauh ring satunggaling genah mawasta Mara. Irika wenten toya, nanging kalintang pait, kantos tan sida antuk nginem. Punika awinane genahe punika kawastanin Mara, sane pitegesipun pait. Irika bangsa Israele ngrengkeng ring Dane Musa sapuniki: “Sane mangkin napi sane pacang inem iraga driki?” Dane Musa ngastawa nunas ica ring Ida Sang Hyang Widi Wasa, tur Ida Sang Hyang Widi Wasa raris matujuhin dane taru atugel. Dane Musa raris ngentungang tarune punika ka toyane, mawinan toyane raris keni kinem. Ring genahe punika Ida Sang Hyang Widi Wasa maicayang pidabdab ring bangsa Israel, tur irika taler Ida mintonin bangsane punika.