’Ö̦jö ma cui, ai däjä wama tä dablaö balöono lä mlai, Jeobaanö fei däjä tä taö nö quiliaö ja, fei wama bä nia li jolemou dablaö —a cuma—. Mashita a caficö fa leledalunö, cama bä bluca sufaö nö mlao showadao ja, ö̦jö wama bä shino nia jolemou dablaö. Cama bä ma cui, cama etäbä ca̦i bluca ma cui, bä lä nomaö wei bä cuobä jamö, demi bä bluca queo showadaofälöö ja, “Jeobaa a nofi wa̦libomaje yalo bä li sufamolayoma”, wama bä nofi nia tabou —Moisesi a cuma.
A wa̦ faö waicou däjä, bä lä ublale jamö tä mashita bada iclacadaliyoma. Mashita a caficö fa leledalunö, cäcöbö sufaa showadaamalema, cama ebä ca̦i bluca lä cule bä sho. Colei ebä ca̦i bluca sho. Madofi ebä ca̦i.