Popular Bible Verses from Números 13

Share

Ö̦jö bä a̦ ja, Moisesi nija bä a̦ bluca ma fano wei ma cui, Calebinö bä a̦ wasölema. Abinaja a cuma. —Bei. Bämacö aa fa showadaalöfälönö, bäma tä ulifi däa da showadao, camiyä bämacö bälöo läo nomöjöobä. Bämacö nö wa̦lojabä bämacö waiquiwä malä cui —Calebi a cuma.

Anaco nodiwä yama bä ca̦i ö̦jamö dalalema, täbä yaläjäwä ca̦i jaba lä bälöono wei täbä nodiwä. Ö̦jö bä li bada yaläjäwä ayao cudeenö, sequi sequima bä wai mömou wiisibö lä culenaja, yamacö mömou tablamalemaje. ¿Ö̦jö tawä? Inaja camiyä yamacö nofi tamamoma. Cama bä ma cuinö, inaja showawä yamalecö nofi ca̦i tabomaje —bä cuma.

Ö̦jö däjä, Calebi sho ai bä lä juno wei bä a̦ läblaliyoma. —Ma —bä cuma—. Ö̦jamö bä lä bälöle bäma bä nia yashuu dobloimi. Bämacö nö nia wa̦lojaimi. Cama bä nö nia shino wa̦lojaö ayao —bä cuma.

Inaja bä fa cuaanö, tä ulifi lä bomano wejei bänö, tä a̦fa ulifi wayu tamaje. Abinaja Isaeli ebä nija bä cuma. —Yama tä ulifi bomabä yamacö lä juno wei jamö, tä ulifi wayu talei. Ö̦jö tä ulifi wayunö ö̦jamö bä lä bälöle bä nomablou. ¿Ö̦jö tawä? Ö̦jamö yanowamö yama täbä lä dalaleno wei, bä bada bluca yaläjäwä dodijiwä bä lä talei.

Moisesi nija abinaja bä cuma. —Wa tä nabä ulifi lä shömano wei jamö, yama tä ulifi mödayoma. Tä nö ulifi niji fe balojowä, tä nö ulifi ofimi. Täbä nii ai lä cublai, ei bei täbä.

’Ö̦jö ma cui, ö̦jamö bä lä bälöle bä lojode —bä cuma—. Bä shabonobö bada fe balojowä. Ala nabänö bä ji̦coloblawä talei. Abinaja ca̦i. Anaco nodiwä yama bä ca̦i bada dalalema. ¿Ö̦jö tawä?

Neque tä ulifi jamö, Amalecoteli bei bä bälöblawä. Tä ulifi lä jefubö wei jamö, idida bä ma cui, jebuseo bä ma cui, amoleo bä ma cui, ö̦jamö ö̦jö bä bälöjöwä mö feduwä. Modu u sibo jamö, Canaanateli bä bälöblawä, Jodana u sibo jamö ca̦i —bä cuma.

Balana tä ulifi lä blocole jamö bä waloa fa co̦icunö, Cadesi jamö bä co̦blaliyoma, Moisesi, Aaloni sho cäcöbö lä cuinö Isaeli ebä ca̦i bluca lä cuböono wei jamö. Ö̦jö bä bluca nija tä a̦ wäyäö showadaojolomaje. Nii bä ca̦i waloa lä co̦queno wejei bä ca̦i mömamaje.