Popular Bible Verses from 1 Korintus 11

Share

Bagitu lagi abis makang, Dia ambe cawan, turus Dia bilang, “Anggur dalam cawan ini, Kita pe dara. Kita pe dara yang biking sah janji yang baru antara Tuhan Allah deng manusia. Tiap kali ngoni biking perjamuan kong minum anggur ini, ngoni biking itu untuk inga pa Kita!” Jadi, tiap kali ngoni makang roti ini deng minum anggur ini, itu sama deng ngoni so kase tau ulang pa orang-orang tentang Tuhan pe kematian sampe Dia datang ulang.

Karna, kita so kase tau pa ngoni apa yang kita so dengar dari Tuhan Yesus sandiri: malam itu, waktu Tuhan Yesus mo dapa serakan, Dia ambe roti, turus Dia bilang tarimakasi pa Tuhan Allah. Abis itu, Dia pela-pela roti itu kong bilang, “Roti ini Kita pe badan yang Kita serakan untuk ngoni. Makang ini untuk inga pa Kita!”

Karna itu, lebe bae tiap orang lia dia pe diri sandiri dulu, baru abis itu dia iko perjamuan makang roti deng minum anggur itu. Karna sapa yang makang roti deng minum anggur itu, tapi dia pe kalakuang tara pantas waktu iko perjamuan itu, itu berarti, dia tara hargai Tuhan pe badan. Karna itu, Tuhan mo hukum pa dia.

Jadi, kalu ada orang yang makang roti deng minum anggur untuk iko perjamuan deng cara yang tara pantas, itu dia so berdosa, karna dia tara hargai Tuhan Yesus pe badan deng dara.

Ngoni iko suda kita pe cara hidup, sama deng kita lagi iko Yesus Kristus pe cara hidup.