Popular Bible Verses from Colosenses 2

Share

Así que, do mesmo xeito que recibistes a Cristo Xesús coma Señor, camiñade agora coma cristiáns; enraizados nel, ídevos construíndo, fortalecéndovos na fe que se vos ensinou e rebordando de agradecemento.

Ollo!, que ninguén vos enguedelle con filosofías e especulacións sen contido, fundadas nas tradicións dos homes, nos elementos deste mundo e non en Cristo.

E a vós que estabades mortos polos vosos pecados e por non ter circuncidado os vosos instintos, deuvos a vida con el. El perdoounos todos os pecados, Anulando a cédula dos preceptos legais que ía contra nós: quitouna de diante e espetouna na cruz.

Porque nel habita corporalmente toda a plenitude da divindade e nel que é cabeza de todos os principados e potestades atopades vós a vosa plenitude.

Así, que ninguén vos xulgue por culpa da comida ou da bebida ou polas festas, as lúas novas ou os sábados. Estas cousas eran sombra do que estaba para vir; pero a realidade é Cristo.