Popular Bible Verses from जेरमयाह 9

Share

बिधाता बोला इहअ, “अक्ली आल़अ निं आपणीं अक्ली लै घमंड करी, नां शूरबीर आपणैं ज़ोरा लै अर नां सेठ मणछ आपणीं धन-माया लै घमंड करी। ज़ै कहा घमंड करनअ, सह करै सिधअ तेता लै घमंड कि सह बछ़ैणा मुंह अर मुंह समझ़ा बी। किल्हैकि हुंह झ़ूरा सदा लै, हुंह करा भलअ अर नसाफ। हुंह हआ इना ई गल्‍ला करै खुश। अह गल्‍ल डाही मंऐं बिधाता बोली।”

बिधाता दैनअ ज़बाब, “इहअ हुअ तै कि लोगै छ़ाडअ सह बधान मनणअ ज़ुंण मंऐं तिन्‍नां लै दैनअ त। तिन्‍नैं निं मेरी गल्‍ला मनी, तिन्‍नैं निं तिहअ किअ ज़िहअ मंऐं तिन्‍नां लै बोलअ त। हथू हुऐ तिंयां हठू अर तिंयां लागै बाल देअए तिन्‍नां मुहुर्तीए पूज़ा करदै ज़ुंण तिन्‍नें दादै-बाबै डाहअ तिन्‍नां का सखाऊई।