Popular Bible Verses from 2 करिन्थी 3

Share

प्रभू; आत्मां आसा अर ज़िधी प्रभूए आत्मां आसा, तिधी आसा बधाना का आज़ादी।

पर ज़ेभै म्हारै नांगै मुंहां का प्रभूओ झ़ामण शुझिआ इहअ कि ज़िहअ हाम्हैं आर्शू दी भाल़ा। प्रभू संघै ज़ुंण आत्मां आसा, हाम्हैं रहा तेऊ ई च़मकिल्‍लै रुपा दी कणीं-कणीं हई बदल़दै लागी।

पर ज़ेभै तेऊओ दिल प्रभू बाखा लै फिरी मसीहा दी विश्वास करे, तेभै जाणअ सह पल्दअ उंधै खुल्ही।

हाम्हैं निं आपणैं बलबुतै दी किछ़ै करी सकदै। हाम्हां लै बल दैणैं आल़अ आसा परमेशर। तैही निं हाम्हैं बोली सकदै कि हाम्हैं आसा एता जोगी। सह परमेशर ई बणाआं हाम्हां आपणीं च़ाकरी करनै जोगी। ज़ुंणी हाम्हैं नऊंईं करारे दास हणैं जोगी किऐ, बधाने दास निं पर पबित्र आत्में दास किल्हैकि मोसा गूरै लिखै बधाना करै भेटा मौत पर पबित्र आत्मां करै भेटा नऊंईं ज़िन्दगी।