Popular Bible Verses from 1 करिन्थी 13

Share

ज़ुंण होरी लै झ़ूरी करा, सह डाहा सबर अर दुजै लै झींण अर ज़ुंण झ़ूरी करा सह निं कोहिए निंदा करदअ आथी, झ़ूरी निं आपणीं बड़ैई करदअ आथी, अर नां आप्पू सराहंदअ आथी, सह निं दुजे बेइज़ती करदअ, नां सह मतलबी हंदअ, सह निं धखी का रोश्श करदअ, ज़ै तेऊ लै कुंणी बूरअ बभार किअ तेता बी निं सह आद डाहंदअ, ज़ै कुंण तेऊ लै पाप बी करे, तेता बी करा सह माफ।

सह ज़िरा झ़ूरी दी सोभी गल्‍ला, सह निं विश्वास करनअ छ़ाडदअ, सह डाहा सोभी गल्‍ला दी आशा अर सह धरा हर गल्‍ला लै धीर।

ज़ुंण झ़ूरी करा सह निं लोगे कदुष्ट कामां लै खुश हंदअ, सह हआ भलै अर शुचै कामां लै खुश।

पर ऐबै लागा हाम्हां ईंयां चअन च़िज़ा करनी, परमेशरा दी विश्वास करनअ, परमेशरे करारा दी आशा अर होरी संघै झ़ूरी करनी। पर इना चिई मांझ़ै आसा असली दी सोभी का महान होरी संघै झ़ूरी डाहणीं।

इहअ बगत बी एछणअ ज़ेभै लोगा परमेशरो बैण खोज़णअ ई निं आथी! नां पाखली बोली बोल़णीं अर परमेशरे बारै डुघै भेद समझ़णें बी निं ज़रुरत रहणीं, पर झ़ूरी रहणीं कबल्‍ली एही ई बणी।

ज़ै हुंह मणछा अर स्वर्ग दूता ज़ेही बोली बोलूं, अर पर झ़ूरी निं मेरै दिला दी कोही लै होए, तै हणीं मेरी गल्‍ला छ़ण-छ़ण अर छैंहीं करदी कांस्सी अर छ़छ़ाल़ा ज़ेही।

ज़ै हुंह परमेशरो बैण खोज़णैं आल़अ होए, अर सोभी भेदो ज़ाणकार, अर ज्ञैना समझ़णैं आल़अ, अर ज़ै मुंह एतरअ विश्वास बी होए, कि हुंह सका ऐहा धारा बी इधा का दूर च़की पर सोभी लै झ़ूरी निं मेरै दिला दी होए, तै निं हुंह किछ़ी कामों आथी।

ज़ै हुंह आपणीं ज़ैदात बी गरीबा अर रैनै-गरीबा लै दैंऊं, अर आपणीं देही बी दुजै बच़ाऊंणा लै आगी जैंदरी पाऊं, पर झ़ूरी निं मेरै दिला दी कोही लै होए, तेतो बी निं मेरअ किछ़ फाईदअ आथी।

अह आसा मणछे ज़िन्दगीए बझ़ा ज़ेही, ज़ेभै हुंह लान्हअ त मेरी बोली, समझ़ अर बभार त लान्हैं ज़िहअ। पर ज़ांऊं हुंह ज़ुआन हुअ, मंऐं छ़ाडअ लान्हैं ज़िहअ सभाब।