Popular Bible Verses from लेवी बिधान 26

Share

ओर मां तुसा बीचे चलेया-फिरेया करना ओर आँऊ तुसा रा परमेशर बणेया रा रणा ओर तुसे मेरी प्रजा बणी री रणी।

तो मां तुसा खे बखतो-बखतो पाँदे बर्खा करनी, ओर जमीना आपणी फसल पैदा करनी, ओर मैदानो रे डाल़ा आपणे-आपणे फल़ देया करने

जे तुसे मेरी दित्ती री रवाजा पाँदे चलो ओर मेरी आज्ञा खे मानी की तिना रा पालण करो

ओर मां तुसा रे प्रदेशो रे शान्ति देणी, कि तुसे सऊणे ओर तुसा खे कोई डराणे वाल़ा नि ऊणा; कऊँकि मां तुसा रे प्रदेशो ते जंगल़ी जानवर निकयाल़ी देणे ओर तुसा रे प्रदेशो रे लड़ाई-चगड़े नि ऊणे देणे।

ओर मां तुसा रिया तरफा खे कृपा-दुष्टि राखणी ओर तुसे फलवंत करने ओर बढ़ाणे ओर तुसा साथे आपणी वाचा पूरी करनी।

आऊँ तुसा रा से परमेशर यहोवा ए, जो तुसा खे मिस्र प्रदेशो ते इजी खे निकयाल़ी की ल्याया कि तुसे मिस्रिया रे दास बणे रे नि रओ ओर मैं तुसा रा जूँगड़ा तोड़ी ता ओर तुसे सिर खड़ा करी की चलाई राखे।

ओर मां तुसा बीचे आपणे रणे री जगा बणाई री राखणी ओर मां तुसा ते नफरत नि करनी।

तुसे आपू खे मूर्तिया नि बनाणियां, ना कोई खणी री मूर्ति आपू खे खड़ी करनी ओर ना आपणे प्रदेशो रे माथा टेकणे खे कड़े रे पात्थर राखणे; कऊँकि आऊँ तुसा रा परमेशर यहोवा ए।

तुसा राखेया रा पुराणा नज्ज खाणा ओर नया नज्ज राखणे रिया तँईं पुराणा निकयाल़ना।

तुसा बीचे पाँज माणूंआ सौ जणे ओर सौ माणूंआ दस ह्जार नठाणे ओर तुसा रे दुश्मण तलवारी साथे तुसा ते आगे-आगे मारे जाणे

एथो तक कि तुसा अंगूर तोड़ने रे बखतो रे बी बांदे रणा, ओर बाणे रे बखते बी पेट परी की अंगूर तोड़दे रणे, ओर तुसा मनमानी रोटी खाया करनी, ओर आपणे प्रदेशो रे बिना डरे रे बसे रे रणे।

ओर तुसा आपणे दुश्मणा रा पीछा करी की सेयो काई देणे ओर सेयो तुसा री तलवारी साथे मारे जाणे।

तुसे मेरे रामो रे दिना खे मानेया करना ओर मेरी पवित्र जगा रा डर मानणा; आँऊ यहोवा ए।