Popular Bible Verses from 1 Makani 29

Share

Yebo O Mwami Leza uli mupati, Singuzu, bulemu, kuzunda abwami, zyoonse zili kujulu aanyika nzizyako. Bwami mbubwako O Mwami Leza. Ulasumpulwa mbuli musololi wazyoonse.

Buvubi abulemu zizwa kulinduwe, nduwe weendelezya zyoonse. Nduwe oojisi nguzu niziba buti. Nduwe oosumpula akupa nguzu kuli zyoonse.

“Ino ndimeni, alimwi abalo bantu bangu mbaani kuti tukonzye kupa boobu camoyo omwe? Zyoonse zizwida kulinduwe, nkaako swebo twakupa buyo eezyo zyali kale zyako.

Lino O Leza wesu twakulumba tulatembaula zina lyako lyabulemu.

Mpoonya Devedi wakalumbaizya Mwami Leza kumbele lyambungano yoonse wakati, “Ulumbaizigwe yebo O Mwami Leza, O Leza wasikale wesu Isilayeli, kuzwida kutamani kuyoosika kutamani.