Popular Bible Verses from KORINTUS GI NICAN 4

Share

Lewo ibisau sut mun di ingat bou igyai him bi. Noro ibisau sut mun di bit bon ingat bou igyai him kan bi. Mun di ingat bou igyai him mipror yon. Noro mun di bit bon ingat bou igyai him kan bi jo kikau.

Gima rino ingon cut leu bi sren. Mbro nok gino ingut nggek sindam bikwop njap lo, ingonti di bitut innei kum ei nide nisindemti sindam bu bikwop njap. Mun di buhun tak nye di jo kikau di bon ninyeng bi dini bie tut nye ug ei ningon llei sutti di mindur di jo kikau. Gino ibinai hacem kin yam ne ningon llei sutti dima nindig bibor dor njiriek mun di buhun tak nye.

Nimpung nindigsi nya ihwen bit nye ninyen noro nicut biyok bi. Mpe hi ne ningon kiowi eisi noro ningon cut leu bi sren. Tungwatu nya imang bibor iba nitok binye noro Allah kes nye ei bi sren. Mbro nok gino ibui nye kinei-kinau lo, igyai nimai binye bi.

Noro mun di bitut ninnei di kei-kau-kei dima jo nyahan ei ingonti noyam kin mun di jo ei dibijigsi. Tug hon nisinati dima ne jo nibreisi bipia nyeni imbun nisindemti di sindem bibor nya bi noro Allah Nongkom rininyeng tak kep.

Ingon jo kep bi lewo Bilis sibut bibor ba, ninyeng tak kep tungwatu dihyeisi dini. Noni rino biyai ingon di dor mun di bitut ninneiti bi. Apino bit bon ingat igbit nikei-kau-keisi di piga kwei leu Nihyet Di Kei dima kan bi. Ba, Kristus dima ningat ndo Allah ningwes brei binye.

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.