Popular Bible Verses from KORINTUS GI NICAN 1

Share

Jikwei ba, inggei sut Allah dino ide Tuhan Yesus Kristus nicigya. Noni ne Arig di ningon nggriu sut nye kin Allah di biwin kep nye di tungwatu nya ingonti ri. Noni sindem tut ingonti mpe dino mun di buhun ninyeng hagom cut igkep nye leu binhyepo iba nisindemti di igyai leu Noni bisindem tut yo di hiter ingonti mpe dino mun di buhun ninyeng hagom cut igkep yok bu.

Nyeni ipriet kin ninghuisi wei di cut igkep Kristus mang bibor. Allah sindem tut Kristus ningonti bisindem tut nyeni cem ingonti tug hon Kristus.

Nikan bigya nicoi bit yo di itug ndei hukum nimai. Noro mun dima cut igkep nye leu binhyepo bindei ba, niba ningon com nyende nisindemti bi. Noro niba ningon com Allah di sindem mem gima win yo di imai bikiju hanyen.

Allah Nongkom yai ningon kin jingon ngkiem tut ide ninok gom kin Kristusti. Allah Nongkom dimig nye ei mem Nonti, bitak buk kep nye cem. Noni mbun nye bikes Ninnei ei ingonti cem. Ba, Allah Ninnei dima nok wa di yok ser di bindo bipia Nide nipreu ei mem nyeti hagom mipek kep mem nye.

Gino mun di buhun cut igkep nye ne gima bindei sindem jingonti bibie ndam niteu leu sisarti kin niyaijo nijep mem je. Gino Allah sindem tut nyeni ningonti ne bitut jeni cem bibindei ba, jeni kin nyeni ingon nddong tut mun di cut igkep nye.