Popular Bible Verses from Aroma 14

Share

Thangwi Umambo wa Mulungu si cakudya peno si cakumwa tayu, mbwenye ndi kulungama, ndi ntendere na kutsandzaya mu Nzimu Wakucena. Ule anaphatira basa tenepo Kirixtu, Mulungu asakomerwa na iye, pontho anthu asansimba.

Thangwi tingakhala m'maso, ndife a Mbuya. Tingafa, ndife a Mbuya. Na tenepo, peno takhala m'maso, peno tafa, ndife a Mbuya.

Na thangwi eneyo, mbatisakeni pinthu pinatidzesera ntendere na pinatimanga muna Kirixtu m'bodzi na m'bodzi.

Na tenepo, mbatilekeni kupasana thangwi m'bodzi na m'bodzi. Mbwenye mbatisakeni kuti tikhonde ikha cinthu cakugwegwedusa peno kugwisa n'kudawa m'bale wathu.

Thangwi pyalembwa kuti: “Mbuya alonga tenepa: ‘Ndinadumbira na dzina yanga kuti anthu onsene anati andigodamire, pontho anthu onsene anati asimbe Mulungu.’ ” Mphapo, m'bodzi na m'bodzi wathu, anati atawire ekha ene pikhacita iye patsogolo pana Mulungu.

Atambireni ale anasowa mphambvu pa kukhulupira, mbamukhonda kuketesana na iwo pa pire pinapenula iwo.

Ndiwe ani iwe unapasa thangwi nyabasa wa ndzako? Angagwa, peno angakhala dzololo, penepi mphyace na mbuya wace. Mbwenye iye anakhala dzololo, thangwi iye ene Mbuya ana mphambvu zakun'khalisa dzololo.