Popular Bible Verses from LIVALITSWA 22

Share

Mwami Nyasaye yaha ipunda, vunyali vu khulomoloma, nivoolela Balamu, “Ni shindu shina shia khukholele? Shichila shina nushuta hali khavaka yakha?”

Nalwo lwa Mwami Nyasaye, yikula tsimoni tsia Balamu, khali nalola injelosi yu Mwami Nyasaye, nisinjile mu muhaanda nikumile shivavi shieshie. Balamu yakona hasi mahunama.

Injelosi yu Mwami Nyasaye yamureeva, “Shichila shina nushuta ipunda yoyo hali khavaka khenakho? Nitsi khukhwikalila, shichila luchendo lwolwo nu lutamanu.

Ipunda yeneyo, yamuvoolela, “Shindi ipunda yoyo mwene, ya wamenya nuhilanga khumatukhu koosi, khali nunundi? Nyala khuva nakhukholelakhu makhuva khuli kenako?” Balamu yachipa, “Ushili khukholelakhu.”

Balamu yachipa, “Ukholi khuva mundu muyiingwa! Mbele nakhusinza, mba ni shivavi.”

Lwi ipunda yeneyo, yalola injelosi yu Mwami Nyasaye, yakona hasi ha Balamu. Balamu yachilolela vurima, khandi nachishuta ni indovoshi yeye.