Popular Bible Verses from Olelo 20

Share

“Emi wae Yawe Nzakomba eke okoyelaki limʼese ea Ejipeto, ko limʼilombe y a likwala. “Toatake nzakomba inkina imola nkʼemi.

“Toyasengelake efoya lʼesonganya ea bolemo bole nda loola ndʼaliko, ko bole ndʼokili ndʼase, la bole ndʼasi ndʼase ba bokili: tokusamelake iko ko tokambelakʼiyo belemo: ncina wete emi Yawe Nzakomba eke, nde Nzakomba endoka jua, ndongwanya bana likambo jʼobe boki baise, elaka nko boloi wa bonkana nkina boloi wa nkanooli, wae elʼiyo banjinʼemi jino

“Fika ise eke la nyango eke; wete bembile beke befule ndʼokili boki Yawe Nzakomba eke okokaaka.

“Ofwa mbile ea sabata wae oekyʼeko boeko.

“Toandake lina ja Yawe Nzakomba eke liandaanda; ele Yawe afaoyengola bonto oanda lina likae liandaanda boyengo.

Bembile botoa okambʼelemo, ko sala besala beke beuma; lolo mbile ea nsambo wete mbile ea sabata ele Yawe Nzakomba eke: nda mbilʼeko, tosalake nye, we lʼona oke owa jende lʼowʼomoto, la bosali oke owa jende lʼowʼomoto, la nyama ike, ko lʼofaya oke ole ndʼetei eke

“Tokombolake ilombe yʼonto osingitana fa we, ko tokombolake waji owʼonto osingitana la we, ko lʼosali okande owa jende, lʼowʼomoto, ko la ngombo ekae, ko la mpunda ekae, ko lʼolemʼokae nko loswele.”

“Toyalemake témoin ea bampulu ele bonto osingitana la we.

“Tokelake jibi.

“Toomake bonto.

“Tawiyake yiya.