Popular Bible Verses from Olelo 12

Share

Elʼemi njifotuwana ese ea Ejipeto lʼotsʼoko, ko njifooma nsomi iuma ndʼese ea Ejipeto, lʼanto la nyama: ko emi njifotena bakambo ba nzakomba ya Ejipeto iuma: emi nde Yawe. Ko balongo bako bayaleme elʼinyo lotaza nda tolombe tokinyo toyalʼinyo: ko a emʼena balongoʼako njifofendʼinyo; a emʼooma ese ea Ejipeto, nsisoza efaokitʼelʼinyo wae efitʼinyo.

“Ko mbilʼene ifoyalemʼelʼinyo mbile ea jofwa, ko lifofongʼeko wae elambo ea Yawe. Losekya mbilʼeko elambo bikeke biuma seko nda biotswelo bikinyo biuma.

Ko ae bana bakinyo okelʼinyo, ‘Bolemʼone bole na?’ Inyo lifokela, ‘Ele wae mbeka ea Efendelo ea Yawe, ofendaki tolombe ta bana ba Yisalaele ndʼEjipeto, akiʼndʼoomaka Ba-Ejipeto ko aikyaki tolombe tokiso.’ ” Ko bantʼako baosunyʼetsa ko baomemya Nzakomba.