Popular Bible Verses from MARKUS 13

Share

At otsi wereg ulug ap obog tohowen hit fahet ninirim uruk lit unundaman onolok hahup. Onolok hahup angge famen hit hinindi yuk tuk fug angge yuwag toho welamuhup halug Allahn fanowap henebuhureg hondog henebuhu,” ibag.

”Ari tuhuwon ke sambil tuhu ulug hit henepeleg teg lit welahepma yet teg lit hinindimu honoluk toho welamuhup.

”Hit hininggik hele waroho ap suwon enembeg hondog henebuhupmu nungge ul ulug hinindi anggin toho welamuhup fug. O ino sambil hit henele uhup ane ari Allah hime fanowon inowen tu ilihip ulug hinindimu hiyag hisahuwon ari uhup,” ibag.

Pohol men kinang men eleg aruhu angge famen nele uruk lahiyon ari eneg eleg aruhu fug,” ibag.

”Ari roho tuhu ane ari ke sambil tuhu ulug ap obog toho arimano misihen oho oluk teg eleg. Allah otsi malaikat poholmon men inggareg amloho men enepeleg teg lit weregma Ninikni Allah inggareg eneg oluk teg lit wereg.”

”Horogma yatma tog aptuk urukmu holuhupteg hinindi henekol toho welamuhup fug. Allahn ari roho tukag peruken aben ari roho turuk lamuhup. Ari roho tuhup angge famen pohol miningon kinang miningon eleg aruhu li ino folo-folo horog aruhu fug,” ibag.

”Hit hinindimu honoluk teg lit welamuhup. Ngi ahun ino waruhu li hit henepeleg, hupmu waruhu ano, hubanggo waruhu ano, suwe ele irikim waruhu ano, likiya waruhu ano, waruhu sambil ari hit henepeleg. At waruhuwon hit nohorukmu waruhu rohon hinindimu honoluk toho welamuhup. Hit fam ihiyon ari ap obog toho fam hiyag hisaruk lahi: Hinindimu honoluk toho welamuhup,” ibag.

”O pumbuk ekeyen pumbuk eke min tog abul ulug in atug laruk lamuhup. Ap misig otsiyen ap eke otsi men tog abul ulug laruk lamuhup. Ari turukmu o mek umu filen ahamu filen waharuk lit suburu obok inam aruhu. Hiyap malik enderik oho lit ahum fato ruruk ane ket ak teberuk hag toho ap siyahap eneptuk ane ebenam aruhu,” ibag.

”Fobik teko lahu sambil uwan inam atuk elegma wene fanowon ap kema-kema werehon obog tohowen tam holukag ulug hiyag isa lahup,” ibag.

”Ap anggolo wamuhupteg An nunuk uruk lit, ’Kristus waruhu uruk lahebon ino an wahi,’ uruk lit ap anggolo inindi ninap enebuhup,” ibag.

”Hinindi anggat toho wereg lit honoluk toho welamuhup. Hit hininggik hele waroho ap suwon palu roho wereg ambeg hondog heneplug lahupteg Yahudi inap sembahyang uruk ambehen e paleg fam hunusuhup. At otsi wereg ulug hininggik hele waroho ap suwon men kinang seneg inap men wereg ambeg hondog heneplug lahupmu hiren An nunuk fahet fag toho hiyag isaruk lamuhup,” ibag.

Enele si uruk inap arimanowen henembeg wamuhupteg at ekeyen, ’An Mesias ino wahi,’ urukmu at ekeyen, ’An Allahn peruk ane hiyag isaruk nahun nabi wahi,’ uruk lamuhup. Ari uruk lit Allahn an numalikisi amuhup ulug mumal eneptisiyon arimano inindi ninap enebul ulug ap arimanowen poholmonen turuk ane ulug enele si ane ouk warukon hihir enebil laruk lamuhup.

”Ari roho tuhu sambil ino ap anggolo siyag amuhupmu mo kun aruhureg pikalem hik aruhu, suhal poholman loloho wamburuk lit pohol ine werehon ari yuk tuhu.