Popular Bible Verses from Romanos 3

Share

Rese myet mle jwalt nu tira nanalit nzo xaa lo Dios. Per nel nkela Dios rese be, mle xaa be mod tub xaa nik tub jwalt namlet, kwent cheen kwaan mle Jesucrist, leezha ngut xaa zee mdix xaa rese jwalt cheen be.

Nu nali nzo be lo Dios nal, nel ngwii be lo Jesucrist. Nu kwent cheen xaa rese myet nzho mod zo nali lo Dios nel delant lo Dios lal nak re myet.

Mlaa Dios ngut Jesucrist delant lo rese myet zee gorna mxo xaa xren xaa ngok xaa tub xaa mchee jwalt cheen rese myet, xaa ngwii lo xaa. Nel myedoola Dios ne re be nazskweeze, nu nangunaabt xaa kwent lo re jwalt kwaan mle be, nel nzhekla xaa luu xaa lee xaa nak xaa nali re mbizh ne. Nu nal seetaka nali nak xaa, nu nkiib xaa jwalt tich re xaa ngwii lo Jesucrist zee noka lee xaa gak xaa nali lo Dios.

Nyent mod zo wen myet kwaan Dios nel ngwii xaa lo ley. Nel nebse non ley, zee luu, be nak tub xaa nzeb jwalt.

Nel lo Xkyech Dios nzhé: ¡Nik tub xaa nali nyent! ¡Nik gola tub xaa! Nik tub xaa nanzaat yek, nu nik tub xaa nankwaant Dios. Rese xaa mlaa Dios, rese xaa mzen naz nawent, lal ngok rese xaa zee nyentra sirb re xaa. ¡Nik tub xaa nle kwaan wen nyent! ¡Nik gola tub xaa! [Sal. 14:1-3]

Kwaanzee re kwaan nzhekla na nii na lo gu nak kwaane, Dios mkiib jwalt tich re myet zee nali gak xaa, nebse nel ngwii xaa lo Jesucrist, nu nanakta nel nle xaa re kwaan nzhé ley.

¡Telisa nalaat Dios yalwen! Nel tubka nle Dios kwaan né xaa, nixa rese myet nak xaa nkade; nel lo Xkyech Dios nkee: Dios, rese kwaan nzhé lu wli nak, nu chelee xaa naab xaa kwent lo lu, lu le gan lo xaa. [Sal. 52:4]