Popular Bible Verses from TITU 1

Share

Da-panii nyuda ba datanda-ya i Ala, tàka hi pahini biada-nyai la paràma-da. Nyuda pa-mayitangu-ha, dàngu nda dabihu pa-karadaku; nyuda jiaha da tau da manda duluku la pawunda-ya jàka nggàraya na mahàmu.

Na-yahangu ndàbama duna la tau yahangu. Tàka la tau ma-iraku kanandingu-na dàngu manda pawai, nda ningua hau ma-yahangu, nadu na pangàdangu-da dàngu na wini etida ba na-iraku hàla!

Lupangu-ma ba nakata undunya na lii pa-pekangu pa-monungu, hama tuna na pambàda papekangu-ya. Jia ba tuna hi namàka papanau-nya na tau palata-nya la lii panaungu ma-tubangu, dàngu la pabowa-nja njalada da tau ma-ndubaku-ya.

Na ama bokulu kabungguru jiaya na tau na ma-paloku-ya na paràma-na i Ala, àmbu ningudu nyurana bàdi. Àmbu na-ngànjangu-du, àmbu narengga mbenidu, àmbu na kàli maüku, àmbu na kàli pa-lumungu dàngu àmbu ma-kabàlikungu àmahu-duya. Lupangu-ma ba nanggepi hàmu etiya na ariyaa la umana, nambuha-nya na mahàmu, na-ngalangu papàtu wikina, na-patutungu, na-yahangu dàngu na-àhalungu.

Na tau ma-kapipi kabungguru, tau manda ningu nyurangu-maya bàdi; nyuna duna haàtu-ma-a bàdi papaha-na; da anada mbàda pawai-daka lai Karitu hi nda jia-aha da patanda tau ba ana maànga-ha da manda rongu lii panaungu.