Popular Bible Verses from YAHAYA 65

Share

Ba ndedi dakarai, mbàda hema-ngguka; ba ndedi nanjàpu na hamayangu-da, mbàda kataku-nggunyaka na hamayangu-da.

Napanii i MIRI, “Napa Nyungga ku-padikangu awangu bidi dàngu tana bidi. Da madedi la rehi na ma-làpahu napa pa-marombangu-haka dàngu nda pahili namu-ahapa.

Mbuu ndàbada da paràma-da napa da-palingu, da anada napa nda jia meti harabàndangu-ada. Nyuda dàngu da wàla wuada napa ku-pakanyuru-ha lundu nu - nu.

Da tau napa da-pahadangu uma hi dangia wikinya; na uma nuna nda nangia-anya tau hawiangu. Nyuda napa da-pamula angguru hàla hi dapàda wikinya na wai angguru; na tau hawiangu nda daunu-anya. Na banjaru-nggu napa namalai na lurida hama tuna da pingi ai, hi dapàda-nya na paraï ruku limada.

Nda ningu-apa anada mameti paana kuduna, dàngu na tau matua napa namalai na lurina. Na tau na ma-hangahu ndau lurina napa bidi tau-ayapa wàda bianya, na tau na mameti na mandedi toma matungu nu, nggàna-nanya hukungu-na Nyuna wàdangga.

Da ahu rumba dàngu da ana mbimbi angu nganguda rumba; da hinga napa dangangu rembi hama tuna hapi, dàngu da ularu napa nda da-pa-manjurangu-apa. La nggubulu-na na tandula matua-nggu, nda ningu-apa ma-pa-manjurangu jàka ndia matuu ma-akatu,” wàna.

Nyungga wiki napa ku-hangela rukuna na Yeruhali, dàngu ku-hawola rukuna na ma-mandapu-nya. La paraingu nuna nda ningu-apa mahii, dàngu nda ningu-apa tau ma-kaladaku karai pa-ndulangu.