Popular Bible Verses from 2 TIMUTIU 4

Share

Mbàda tundungu-mangguka nyungga la pa-parimbu paha - hàmungu, dàngu kutoma-maka la rehi njàpuna. Daingu tuturu-manggu duku lai Karitu lundu njàpuna.

Màtawa nyumu kau bobaru-ya nuna na lii welingu lai Ala dàngu kau pa-nuangu pa-dàhiku-ya na tau ka na-patingi-nya, jàka da-mbuhangu hi ndia. Màtawa nyumu kau pa-kawàndi-ya la eti tau, kau paita-nja da manjala dàngu kau pambana-ha. Bau ajaru-ya na tau kau wàngu lerangu eti ju - juamu.

Nadu ba nàmunya na rehina ba nda nahilu bihu na tau pa-kataku-ya na lii pa-ajaru na ma-deningu. Tàka hauya duna napa nyuda datundu-maanya na pambuha wikida, dàngu ba da-pauhi-nja da ngguru dàngu la pa-ajaru-ya na hangia - hangia na mahàmu la kahilu-da ba darongu-ya. Napa dahulu-nja da kahilu-da parongu-ya na ma-deningu, tàka hi da-patalelingu kahilu-da la mawunda lii pangerangu.

Jiapa ka tuna nu, màta nyumu kau roputu wikimu, jiapa ka nda nggikina. Pa-jàrungu-ma la mayila-mu, paloku-maya na wai ngeramu ba ma-bobaru Lii Mànangu-kau, dàngu palaku pahàmu-manya na wai ngeramu ba malumu-nya i Alakau.

Tàka nàhu duku na wunda talunggu patia-nangga padua-ka. La Lodu Hupu Njàpuna, i Miri, na Hakimu na mamola napa nawua-ngganya na wundanggu, nadu nyungga ba kuluri pahàmu dànya i Ala. Tàka nda mehanggu nyungga-a napa makei pa-wuangu matungu nu, tàka mbuu ndàba mbuna na tau na ma-rinjungu panapa-ya na tàkana i Miri.