Popular Bible Verses from 1 TIMUTIU 3

Share

Nda ningumbu haàtu mamàka pa-pandia-ya, ba kanjupu bokulu-ya na ma-tanjiku la anggama-nda nyuta: Nyuna na-paitangu wikina la hada tau, dàngu na-paloha-nya ba ma-deningu-ya paraïna Ngahuna i Ala, hi daita-ya paraï da papalewa. Na rukuna pa-bobaru-yaka la hau banja - hau banjaru, dàngu Nyuna pawai-yaka la pinu tana nggubulu-na dàngu ba pa-padita-ya la awangu.

Na haàtu na tau na ma-hamata kabungguru, tau manda ningu nyurangu-ya bàdi, ma-haàtu-a papaha-na, napingu pa-roputu wikina, na-manggàna dàngu na-àhalu; na-mbuhangu panggepi ariyaa la umana, napingu pa-ajaru tau

Màta nyuna ka tau mapingu pa-paloku hàmu uma-nanya, mapingu pa-papeka-nja da anana la pa-manundu dàngu la patembi-ya nyuna.

Da ma-pambapangu la kabungguru haàtu-a bàdi papaha-da. Dapingu bàdi paangga-ha da anada dàngu pa-paloku hàmuya na kuru umada. Da tau da ma-pambapangu dàngu hàmungu la kuru kabungguru, napa patembi-ha la kabungguru dàngu napa da-parukangu patoru mbeni pa-pabanjaru-nya na ngera pawaida lai Karitu.