Popular Bible Verses from NGGALATIYA 6

Share

Togop me, nit yi obeelom ndi obeelom eerit nogo logonet, anggon-panggon ee'ninake kagak, mbo pega'lek mondok aret eerit nogwe niinok, anggen yugu obeelom mbanggologwe nogo kokwak, nit onggo wo'niroorak nineenu me, ta'liila ee'ninake kenok mbo puurak mage o. Kagak aret eerit nogo logowok o, noreewi.

It yi aakumi ndi aakumi abok aret obeelom eeppiyoorak, ”Nanonggwan aga o,” yinuk, obeelom eeppiinet nogo logonet kwe, it aakumi nit ninom ndak-ndak abet mbakwi nogo kenok perak, obeelom eeppiyoorak mondok aberak aret logonip o.

Aaninggin kinoba age kenok, yeenggwa-yeenggwa eerumonggotak paga Keritut wone lengganogo yo'niragagerak nogo ndak-ndak aret eeko logomunggup o.

Ala ambokan laganggulik kagak, ambokan laganggwi kiinok, kit aret kinambokan laganggologwe me, liippako logonip o. Aap ambi awi yake ndak-ndak anggen togop aret mbanggolage menggerak me

kit kiniki maan mendek nen eeriyak eekkinake nogo, eerit nogwe kiinok, anggen yugu maluk mendek mbanggologwe nogo kokwak, kineebe aret kambumunggup o. Ndi, Aberin ki nen yokkirage nogo mban mugurok nogwe kiinok perak, anggen yugu abe mendek mbanggologwe ti pogom, mondok-mondok kineenik aret logomunggup o.

Noreewi o. Kinore ambi perak togon yigeebu wangge kenok, kit aap Aberiniki kinom kunik monggotak nogo nen, ”Noreeluk iniki nggagangge mbaki, yigeebu wanggerak nogo kokwak, an togop wangge neyo nagabiti o,” yinuk, kinoone yanggorogon awone mbanggo logonip o.

Kit aap iya lek kwe, ”Nit iya o,” mbakwi kiinok, kit aret kinambokan laganggologwe me, liippako logonip o. Kit ambi nen at ambi eeke wakkagak eeko logogup o. Ata, kinalitak lombok eeko monggotak nogo wakkaanuk, op kenok kiniki ale'nggen mbakwi, ndi, maluk kenok mbo pugwi, eeko logonip o. Nit ninalitak aret ninobaalombok eeko logowok o.