Popular Bible Verses from EPETUT 5

Share

Noreewi o. Kit Ala apuri aret me, kinogoba kinom kunik logonet, at eeke minggi kwak, kit ndak-ndak eerit nogo logonip o. Aakumi inake Ala aanggo warogo kani kunggwi iinok, Ala nen obari obeelom kage minggi kwak, at Keritut ninabuwa mbake nagagirik, ”Inake kambikit o,” mba'nuk, ninake kambeegerak nogo ndak-ndak, nabuwa-kabuwa mbako logonet, at ambi obeelom eeppegak eeko logonip o.

Togop me, kit eerit nogo monggotak nogo, mondok liippunuk eerit nogo logonip o. O yi eyom paga aakumi nen maluk mondok alik negen eeriyak koonggwi me, kiniki lek we ugun eerit noorak ti mage o. Ata, kiniki mondok warak logonet, ”Yogondak obeelom eeriyak ambi yi nanonggwan agaarak me, eerikit o,” mba'nuk, eerit nogo logonip o.

Ndi, eyoonggen anggur amburu nonggo logomonggotik, kumili kunit namonggotak paga maluk eekkinaburak me, mbo punuk, Aberiniki mban kiniki me yagabit aago logowak nduk, eeko logonip o. Ndi, kit-kit aret kiniki mondok ale'nggen paga ninogoba endage alut eeko logonet, Ndawut ndawi pereegerak nogo inom, ki wone ndawi inom, ugun wee'lek ndawi inom, abok aret warit nogo logonip o. Warit nogo logonet, yi mendek ndi mendek apit eeppinanege menggerak nogo paga ninowe Yetut Keritut endage kunogo, ”Ninogoba Ala wa,” yinuk, yogo logonip o.

Kumili negen kiniki lek ugun eerit nogo logogup o. Ata, ninowe endagembogut nen eeriyak kooneegerak nogo mban liippunuk, eerit nogo logonip o.

Ndi, kit aap yi wae. Kit kinakuwi warak kenok, Keritut nen nit Ala apuri yi awi ndi awi monggoorak nogo, ninabuwa mbake logonet, ”Inake kambikit o,” yinuk, ninake kambeegerak nogo kwak, kit kinakuwi togop aret inabuwa inombako logonet, obeelom eeppiigo logonip o.

Kit aa'nduk o apit paga nogo nogogutak kwe, yogondak kinowe endagembogut nen muk eya eerogo pinagareegerak me, Ala apuri eya paga logonet, eeko mengga kwak, kit togop aret eerit nogo logonip o.

Ninowe Keritut ayuk wuko logonet, kiniki tebe yinuk nabu'me-kabu'me logonip o.

Kit kumi yi wae. Kit kinogonggelomini warak kenok, ninowe endage tiyak yuwak nduk, kinogonggelomini inabu'me tebe yinuk logonip o.

Ata, kit aap kineebe kiniki kunik eekkologo monggotak kokwak, kinalitak lombok kinakuwi inabuwa mbakwi, ndi, kit kumi nogo nen kinogonggelomini inayuk wuko logonet, inabu'me tebe yinuk, inoone konenggwi, eeko logobagip nduk, inom aret yokkiragi o.

”Togop me, aap ambi nen agalo-ogoba mbo piinok, akwe imbirak lambunik logonet, ineebe mbere kwe, ambit aret arugun o,” yinuk, Ala nen yereegerak liiru mbanak wonage nogo aret yokkiragi o.

It aap o apit paga logonet, eebe lek kagak eerit nogo menggaarak nogo, kinom lambumbunuk eerit nagup o. Ata, it kote eeko menggaarak inabok mbininiyak kineebi mbakwi kwe kagak, nggwok paga aret inenggali wappiigo logonip.